Xitoy Tayvan yaqinida maxsus operatsiya boshlanganini ma’lum qildi

Xitoy Tayvan sharqidagi dengiz hududida maxsus dengiz huquqni muhofaza qilish amaliyotini boshladi. Pekin bu harakatni Yaponiya va Filippinning Xitoy daʼvo qilgan hududda dengiz chegaralarini delimitatsiya qilish boʻyicha muzokaralarni boshlash qaroriga javob sifatida izohladi Sinxua agentligi xabariga ko‘ra, operatsiyada Futszyan va Guandun provinsiyalari dengiz ma’muriyati, Sharqiy navigatsiyani qo‘llab-quvvatlash markazi va Sharqiy qutqaruv departamenti ishtirok etmoqda Xitoy tomoniga ko‘ra, operatsiya XXRning dengiz ma’muriy yurisdiktsiyasini amalga oshirish, chekka hududlarda patrul xizmatini kuchaytirish, kemalarni boshqarish imkoniyatlarini oshirish va dengiz harakati xavfsizligini ta’minlashdan iborat Xitoyning Global Times gazetasi amaliyotning boshlanishiga Filippin prezidentining yaqinda Tokioga qilgan tashrifi chog‘ida Yaponiya va Filippinning qo‘shma bayonoti sabab bo‘lganini aytdi. Tomonlar Tayvan sharqidagi suvlarda eksklyuziv iqtisodiy zonalar va kontinental shelf chegaralarini belgilash bo‘yicha muzokaralarni boshlashlarini ma’lum qilishdi Xitoy bunday xatti-harakatlarni bir tomonlama qaror sifatida baholaydi va ular mamlakat huquqlariga zid, deb hisoblaydi Xitoy Tashqi ishlar vazirligining rasmiy vakili Mao Ning bunday muzokaralar Xitoy ishtirokisiz o‘tkazilmasligini aytdi Xitoy qonunchiligi va xalqaro huquq, jumladan, BMTning Dengiz huquqi to'g'risidagi konventsiyasiga ko'ra, Xitoy bu sohada eksklyuziv iqtisodiy zona va kontinental shelf huquqlariga ega. Tayvan sharqidagi dengiz maydonini aniqlash masalasi Xitoy ishtirokida amalga oshirilishi kerak, dedi Mao Ning Shuningdek, u Yaponiya va Filippinning muzokaralarni boshlash uchun Xitoyni chetlab o‘tishga urinishi xalqaro huquqni qo‘pol ravishda buzish va Xitoyning dengiz manfaatlariga zarar yetkazishini aytdi