Issiqko‘lda qayiq poygasini o‘tkazish uchun 5 million dollar sarflanadi

Issiqko'lda bo'lib o'tadigan UIM F1H2O tezyurar katerlar jahon chempionati 5 million AQSH dollariga tushadi. 16 iyun kuni UIM F1H2O suv motorlari bo‘yicha jahon chempionati o‘tkazilishiga bag‘ishlangan matbuot anjumanida shunday ma’lumotlar berildi Turizmni rivojlantirish davlat agentligi direktori Eduard Kubatovga ko‘ra, mablag‘ davlat emas, federatsiya va sport jamoatchiligi hisobidan ko‘rib chiqiladi "Ushbu sport tadbiriga 5 million dollar ajratilgan. Buni davlat emas, suv-motosport federatsiyasi va sport jamiyatimiz ajratmoqda. Hukumat mablag‘lari esa infratuzilmaga yo‘naltiriladi. Hukumat mahalliy aholi uchun yo‘l, elektr energiyasi, qirg‘oq bo‘yi, istirohat bog‘i va to‘xtash joyiga hissa qo‘shmoqda", - dedi Kubatov Joriy yil 31 iyuldan 2 avgustga qadar Issiqko‘lda suvda tezyurar qayiqlar bo‘yicha jahon chempionati bo‘lib o‘tadi. Chempionatda 13 mamlakatdan sakkiz nafar xalqaro jamoa va 18 nafar uchuvchi ishtirok etadi Ijtimoiy tarmoqlarda bu voqea qizg‘in muhokama qilinib, ekologik oqibatlar bo‘lishi mumkinligidan ogohlantirganlar ham bo‘ldi. Bu masala parlamentda ko‘tarilib, Jo‘qorg‘i Kenesh raisi Marlen Mamataliyev barcha ekologik talablarga rioya etilishini aytdi Qizg‘in bahs-munozaralardan so‘ng Ichki ishlar vazirligi bayonot berib, ushbu xalqaro tadbirga oid salbiy ma’lumotlarning tarqalishini “populistik qadam” sifatida baholadi. U notoʻgʻri maʼlumot tarqatganlarga nisbatan chora koʻrilishini ogohlantirdi