Issiqko‘lda suv toshqini oqibatida bir kishi halok bo‘ldi, bir o‘smir bedarak yo‘qolgan

5-iyun kuni kechqurun Issiqko‘l tumanidagi Bo‘steri va Bulan-So‘gatt qishloqlari oralig‘ida ko‘chki sodir bo‘ldi. Issiqko‘l viloyati gubernatori Baxit Jetigenovning “Ozodlik” jurnalistiga o‘sha yerda turgan vaqtida ma’lum qilishicha, taksida ketayotgan fuqaro halok bo‘lgan, u bilan birga o‘tirgan 8-sinf o‘quvchisi esa bedarak yo‘qolgan. Uni qidirish davom etmoqda. Ko‘chki sodir bo‘lganda, to‘rtta avtomobil yo‘ldan chiqib, loyga botgan. Avtomobil haydovchisi Cho‘lpon-Otadagi shifoxonaga yetkazilgan, uning ahvoli barqaror ekani xabar qilingan Favqulodda vaziyatlar vazirligining Issiqko‘l viloyati boshqarmasi boshlig‘i o‘rinbosari Cho‘lponbek Temirbekovning jurnalistlarga ma’lum qilishicha, ikki avtomobil loyga botib qolgan. Bir mashinada uch kishi chiqib, qochishga muvaffaq bo'lgan, ikki yo'lovchi esa ichida qolgan Voqea joyida Favqulodda vaziyatlar vazirligi tezkor guruhi mutaxassislari ishlamoqda. Ma’lum qilinishicha, yo‘l tungi soat 1 da ochilgan 5-iyun kuni soat 20:00 atrofida Cho‘lpon-Ota va Bulan-So‘g‘at qishlog‘i oralig‘ida suv toshqini sodir bo‘lib, tuproq yo‘l vaqtincha yopilgan edi. Guvohlar o‘z joylaridan videoni ijtimoiy tarmoqlarga yuklagan va ko‘l tomon bir necha mashinani suv olib ketganini aytishgan