Issiqkoʻlda noqonuniy boʻlgan 36 nafar chet el fuqarosi qoʻlga olindi

Milliy xavfsizlik davlat qoʻmitasi maxsus operatsiya doirasida Issiqkoʻl viloyatida noqonuniy boʻlgan 36 nafar shaxs aniqlanib, qoʻlga olingani haqida xabar berdi. 2-3 iyun kunlari xorijlik ishchilar jalb qilingan 32 ta obyekt, shuningdek, 5 ta davlatdan kelgan 768 nafar xorijiy fuqarolarning hujjatlari tekshirildi Natijada mamlakatimiz hududida noqonuniy bo‘lgan 36 nafar chet el fuqarosi aniqlandi. Qonun buzilish holatlari yuzasidan 64 ta ma’muriy bayonnomalar tuzildi. Ular qonunga muvofiq jarimaga tortildi. Ayni paytda Qirg‘izistondan noqonuniy migrantlarni deportatsiya qilish bo‘yicha tegishli choralar ko‘rilmoqda Xabarda aytilishicha, amalga oshirilayotgan tadbirlar milliy xavfsizlikni ta’minlash, jamoat tartibini saqlash va noqonuniy migratsiyaga qarshi kurashishga qaratilgan. Xavfsizlik xizmati mamlakatga kirish, sayohat qilish va roʻyxatdan oʻtish qoidalarini buzgan, shuningdek, tegishli ruxsatnomasiz ishlagan shaxslar Qirgʻiziston qonunchiligiga muvofiq javobgarlikka tortilishi, deportatsiya qilinishi va mamlakatga qayta kirishi taqiqlanishi mumkinligi haqida ogohlantirdi. Xorijiy fuqarolar, ish beruvchilar va qabul qiluvchi tomonlar Qirg‘izistonning migratsiya qonunchiligi talablariga qat’iy rioya qilishlari shartligi qayd etildi Joriy yilda Qirg‘izistonga xorijdan ishlash uchun keladigan mehnat muhojirlari uchun kvota 52 mingdan 100 mingga ko‘tarildi 2025-yilda chet ellik ishchilar uchun 25 mingta o‘rin ajratilgan bo‘lsa, keyinchalik u 42 mingtaga ko‘tarildi Xitoy, Hindiston, Turkiya, Pokiston va boshqa davlatlar Qirg‘izistondan ishchi kuchi so‘ragan davlatlar orasida yetakchilik qilmoqda. (ZKo)