Yangi elchi Bayramovga ishonch yorliqlarini topshirdi

Ozarbayjon tashqi ishlar vaziri Jeyhun Bayramov Buyuk Britaniyaning yangi tayinlangan Favqulodda va Muxtor Elchisi Dunkan Normanni qabul qildi Tashqi ishlar vazirligi (TIV)ning Modern.az saytiga ma’lum qilishicha, uchrashuv chog‘ida elchi D.Norman vazir Jeyhun Bayramovga ishonch yorliqlari nusxasini topshirdi Vazir elchini yangi lavozimga tayinlangani bilan tabriklab, Ozarbayjondagi diplomatik faoliyatida muvaffaqiyatlar tiladi Uchrashuvda Ozarbayjon-Birlashgan Qirollik munosabatlarining bugungi holati va istiqbollari, tomonlarni qiziqtirgan mintaqaviy va xalqaro muammolar yuzasidan fikr almashildi Tomonlar Ozarbayjon bilan Buyuk Britaniya o‘rtasidagi siyosiy, iqtisodiy, energetika, savdo, sarmoya, ta’lim va boshqa sohalardagi hamkorlik muvaffaqiyatli rivojlanib borayotganini mamnuniyat bilan qayd etdilar Shu bilan birga, munosabatlarni strategik sheriklik darajasiga ko‘tarish, oliy darajadagi o‘zaro aloqalar va iqtisodiy sheriklikni yanada kengaytirish muhimligi ta’kidlandi J.Bayramov boshqa tomonni mintaqadagi mavjud vaziyat, mojarodan keyingi davrda yuzaga kelgan voqeliklar, shuningdek, Ozarbayjon-Armaniston munosabatlarini normallashtirish jarayoni va Ozarbayjon tomonidan tashlangan qadamlar haqida batafsil ma’lumot berdi Elchi Dunkan Norman Ozarbayjonda faoliyat boshlaganidan mamnunligini bildirib, mamlakatlarimiz o‘rtasidagi hamkorlikni yanada rivojlantirish uchun bor kuch-g‘ayratini ayamasligini ta’kidladi Uchrashuvda tomonlarni qiziqtirgan boshqa masalalar ham muhokama qilindi