Roskosmos zavodida portlash: o'lganlar bor

Sankt-Peterburgda Finlyandskiy stansiyasi yaqinidagi sanoat hududida portlash va keyin yong‘in sodir bo‘ldi. Rossiya Favqulodda vaziyatlar vazirligining aniqlik kiritishicha, yong‘in Mineralnaya ko‘chasi, 32-uyda sodir bo‘lgan.Ochiq ma’lumotlarga ko‘ra, ushbu manzilda Roskosmosga tegishli “Arsenal” zavodining ishlab chiqarish binosi joylashgan Qayd etilishicha, hodisa oqibatida to‘rt kishi halok bo‘lgan. Ikkisi yonib ketgan xona ichidan, yana ikkitasi vayronalar ostidan topilgan. Shuningdek, ikki kishi turli darajadagi tan jarohatlari bilan kasalxonaga yotqizilgan. Favqulodda vaziyatlar vazirligi ikki jabrlangani haqida xabar berdi Avvalroq kimyoviy reagentlar saqlanadigan angar yonayotgani xabar qilingandi. 400 m² maydonni egallagan yong‘inni maxsus poyezd yordamida o‘chirish to‘qqiz soat davom etdi. Portlash toʻlqini korxona hududidan temir yoʻllarni himoya qilib turgan gʻisht panjarani vayron qilgan. Sankt-Peterburgning turli tumanlaridan qalin qora tutun ustuni ko'rindi. Voqea tufayli vokzalda poyezdlar harakati to‘xtatilgan Rossiya Federatsiyasi Tergov qo'mitasi qurilish yoki boshqa ishlarni bajarishda xavfsizlik qoidalarini buzganlik uchun jinoiy ish qo'zg'atdi (Jinoyat kodeksining 216-moddasi, 7 yilgacha ozodlikdan mahrum qilish). Nima sodir bo'lganining asosiy versiyasi - aseton bug'ining yonishi