Qozog‘istonda ilk bor sobiq sudya sud ijrochisi bilan janjaldan so‘ng pensiya va maqomidan mahrum etildi

Qizilo‘rda viloyatining sobiq sudyasi Moldabek Axmetov umrbod oylik maoshidan hamda iste’fodagi sudyalik faxriy maqomidan mahrum etildi, deb yozadi Orda.kz “Ural Week” nashriga tayanib Bunday qaror Oliy sudlov kengashi taklifiga binoan Qozog‘iston prezidentining farmoni bilan qabul qilindi. Bunday keskin choralarning sababi Axmetov va sud ijrochisi o'rtasida o'z xizmat vazifalarini bajarish paytida yuzaga kelgan mojaro edi Sudyalar oliy kengashiga ko‘ra, sud ijrochisining talablari sobiq sudyaning salbiy munosabatiga sabab bo‘lgan. Janjal davomida Axmetov ijro protsessi vakili nomiga haqoratomuz so‘zlarga yo‘l qo‘ygan. Sud ijrochisi nima bo‘layotganini telefon kamerasiga yozib olmoqchi bo‘lganida, sobiq sudya uning qo‘lidan qurilmani tortib oldi va guvohlar ko‘z o‘ngida polga sindirib tashladi Mazkur voqeadan so‘ng sud ijrochisi Qizilo‘rda viloyati sudyalik odob-axloq komissiyasiga ariza bilan murojaat qilgan. Komissiya aʼzolari sobiq sudyaning xatti-harakati sudyalik odob-axloqi talablariga toʻgʻri kelmaydigan huquqbuzarlik, degan xulosaga kelishdi Materiallar Sudyalar oliy kengashiga yuborilib, davlat rahbariga tegishli taqdimnoma kiritildi. Natijada Moldabek Axmetov qariyb 500 ming tenge miqdorida oylik taʼminot olish huquqidan, shuningdek, “Qozogʻiston Respublikasining sud-huquq tizimi va sudyalarining maqomi toʻgʻrisida”gi Konstitutsiyaviy qonunida nazarda tutilgan kafolat va imtiyozlardan mahrum boʻldi Shuningdek, Moldabek Axmetovning o‘g‘li Alibek Axmetov hozirda Aqto‘be viloyat sudi jinoyat ishlari bo‘yicha sudlov hay’atiga rahbarlik qilayotgani ham ma’lum Avvalroq sobiq sudya Jolmanovaga firibgarlik aybi bilan yana jazo tayinlangani haqida yozgan edik