Vens: AQSh Isroilning e'tirozlariga qaramay Eron bilan muzokaralarni davom ettiradi

Isroil qanday pozitsiyada boʻlishidan qatʼiy nazar, Vashington Tehron bilan kelishuvga erishish, jumladan, yadroviy dastur masalasini hal qilish yoʻlida ishlashni davom ettirish niyatida Bu haqda AQSh vitse-prezidenti Jey Di Vens Fox News telekanaliga bergan intervyusida ma’lum qildi, deb yozadi “Report” "Biz Eron yadro dasturi boʻyicha muammoni uzoq muddatli yechimga erishishga qodirmiz. Isroilga yoqadi yoki yoʻq, lekin biz bunday qadam AQShning milliy manfaatlariga toʻgʻri kelishiga tubdan aminmiz. Shuning uchun biz bu yoʻnalishdagi faoliyatimizni toʻxtatmaymiz", - deya taʼkidladi u Vensning ta'kidlashicha, Tehronning Vashington bilan kelishuv shartlarini haqiqatda bajarishi uning samaradorligining asosiy ko'rsatkichlaridan biri bo'ladi "Menimcha, [AQSh prezidenti Donald Tramp] nuqtai nazaridan [kelishuvning bajarilishini] tekshirish zarur. Shubhasiz, muhokama qilinayotgan kelishuvning muvaffaqiyatini baholashga imkon beruvchi eng muhim mezonlardan biri bu Eron tomoni qog‘ozda nima qilishlari emas, balki haqiqatan ham kelishuv talablariga amal qiladimi-yo‘qmi Eslatib oʻtamiz, 28-fevral kuni AQSh va Isroil Eronga qarshi harbiy amaliyotlar boshlagan, qator shaharlarga havo hujumlari uyushtirilgan edi. O‘sha kuni Eron oliy rahbari Ali Xomanaiy zarbalar natijasida halok bo‘ldi. Bunga javoban Eron Isroil hududi va Fors ko‘rfazi mamlakatlaridagi AQSh harbiy bazalariga hujum qildi Eron, AQSh va ularning ittifoqchilari 8-aprelga o‘tar kechasi o‘t ochishni to‘xtatish bo‘yicha kelishuvga erishdi.Keyinchalik Tramp o‘t ochishni to‘xtatishni noma’lum muddatga uzaytirdi Tomonlar mojaroni hal qilish uchun Pokistonda muzokaralar o‘tkazdi, biroq 11-12 aprel kunlari bo‘lib o‘tgan birinchi raund hech qanday natija bermadi AQSh Tehronga bosim o'tkazish uchun Eron portlarini va Hormuz bo'g'ozi orqali o'tish yo'llarini blokirovka qildi. Eron, o'z navbatida, Fors ko'rfaziga ketayotgan kemalar uchun Hormuz bo'g'ozi yopilganini e'lon qildi. Mintaqadagi jadal o'zgaruvchan vaziyat global energetika inqirozini keltirib chiqardi Ulardan foydalanganda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir