Venesueladagi amnistiyadan so‘ng 390 dan ortiq mahbus ozod etildi

Venesuelada joriy yilning fevral oyida amnistiya to‘g‘risidagi qonun kuchga kirganidan beri 390 dan ortiq mahbus ozod etildi Bu haqda Bolivar respublikasi prezidenti vazifasini bajaruvchi Delsi Rodriges “Venezolana de Television” telekanali efirida ma’lum qildi, deb yozadi “Report” “Ayni damda 395 kishi qo‘yib yuborildi, men bilaman, yaqin soatlarda bu raqam 500 dan oshadi”, — dedi Rodriges U “Demokratik hamkorlik va tinchlik” dasturi rahbariyatini amnistiya to‘g‘risidagi qonunni yanada tatbiq etishga e’tibor qaratishga chaqirdi Rodriges, shuningdek, amnistiya to‘g‘risidagi qonun tufayli 8426 nafar fuqaro to‘liq ozod qilingani, ayblovlar va qonuniy cheklovlar olib tashlangan, jinoiy ishlar bekor qilingan, huquqni muhofaza qilish organlariga xabar berish majburiyatlari bekor qilinganini ta’kidladi Unga ko‘ra, 2026-yil 20-fevraldan kuchga kirgan amnistiya to‘g‘risidagi qonunga qadar 885 nafar shaxs jinoiy javobgarlikdan ozod etilgan Milliy yarashuv va tinchlikka qaratilgan umumiy amnistiya tashabbusi Venesuela prezidenti vazifasini bajaruvchi Delsi Rodriges tomonidan ilgari surilgan. Qonun 1999-yil 1-yanvardan hozirgi kungacha boʻlgan davrni oʻz ichiga oladi. Ammo amnistiya insoniyatga qarshi og‘ir jinoyatlar, inson huquqlarini buzganlik, qasddan odam o‘ldirish, korruptsiya va giyohvand moddalar savdosi uchun hukm qilingan shaxslarga nisbatan qo‘llanilmaydi Ulardan foydalanishda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir