Tojikistonda ko‘chki oqibatida bolalar halok bo‘ldi

Tojikiston janubida toshqin oqibatida ikki bola halok bo‘ldi, yana uch kishi og‘ir jarohatlar bilan kasalxonaga yotqizildi Hodisa 3-iyun kuni tushdan keyin Shamsiddin Shoxin tumanidagi Shahribarbar qishlog‘ida o‘smirlar mol boqib yurgan joyda sodir bo‘lgan. Ozodlikka tuman hokimligidagi manbaning 4-iyun kuni xabar berishicha, sel qurbonlari 9 va 11 yoshli o‘g‘il bolalardir "Odamlar oʻsmirlarni sel ostidan olib chiqib, kasalxonaga olib borishgan. Ikki nafari halok boʻlgan, yana uch nafari ogʻir jarohatlar bilan tibbiyot muassasasida", — dedi manba May oyida Tojikistonda sodir bo‘lgan sel va toshqinlar Ko‘lob va Tursunzodada kamida to‘rt kishining hayotiga zomin bo‘lgani, besh kishi jarohatlangani xabar qilingandi Sinoptiklar 5-iyun kuni, ayniqsa, tog‘li hududlarda sel ko‘chkisi xavfi yuqoriligidan ogohlantirdi va aholini ehtiyot bo‘lishga chaqirdi Hududining katta qismi togʻli hududlarda joylashgan Tojikiston sel, suv toshqinlari, koʻchkilar va qurgʻoqchilikka qarshi himoyasizligicha qolmoqda. Har yili bu tabiiy ofatlar mamlakatga o'n millionlab dollar zarar keltirmoqda Azattyk Asia © 2026 RFE/RL, Inc. | Barcha huquqlar himoyalangan