Sirdaryo viloyatida hokimlik xodimi yer uchastkasini rasmiylashtirish uchun 50 ming dollar olishga uringanlikda gumonlanmoqda

Sirdaryo viloyatida Guliston shahar hokimligi mas’ul xodimi tadbirkorlik faoliyati uchun yer uchastkasini rasmiylashtirishda yordam bergani uchun mukofot olishga uringanlikda gumon qilinmoqda Davlat xavfsizlik xizmati Sirdaryo viloyati prokuraturasi bilan hamkorlikda o‘tkazgan surishtiruv natijalariga ko‘ra, hokimlik xodimi o‘z xizmat mavqeidan foydalanib, tadbirkorlik faoliyatini yo‘lga qo‘yish niyatida bo‘lgan fuqaroning ishonchiga kirganligi ma’lum bo‘ldi. U tanish amaldorlar orqali Guliston ko‘chasidan 2 sotix yer olishga yordam berishni va’da qilgan Yer uchastkasi davlat zahirasida edi. Fuqaro u yerda oziq-ovqat do‘koni ochishni rejalashtirgan Boshqarma maʼlumotlariga koʻra, hokimlik xodimi yer uchastkasini rasmiylashtirishda yordam berish uchun 50 ming AQSh dollari talab qilgan. U bu summaning bir qismini 12 ming AQSH dollariga baholangan Lacetti avtomobili ko‘rinishida olgan. Avtomobil unga haydash huquqi bilan ishonchnoma bilan berilgan Olib borilgan tezkor tadbir davomida hokimlik vakili zarur miqdordan 8 ming AQSH dollarini olayotgan vaqtda qoʻlga olindi Mazkur holat yuzasidan jinoyat ishi qo‘zg‘atilgan. Hokimlik xodimiga nisbatan qamoqqa olish tarzidagi ehtiyot chorasi qo‘llanilgan. Tergov harakatlari davom etmoqda Avvalroq Jizzax viloyatida tuman hokimligi xodimi 6,7 ming dollar olayotgan vaqtda qo‘lga olingani haqida xabar berilgan edi. AQSh Agar xato topsangiz, matn qismini tanlang va Ctrl+Enter tugmalarini bosing