Odessa va Xarkovda turar-joy binolari shikastlangan; Zaporojye viloyatida 300 ming kishi elektr energiyasiz qoldi

10-iyunga o‘tar kechasi Ukraina yangi dron hujumlari va turli hududlardagi zarbalar oqibatlari haqida xabar berdi. Odessada dron hujumi natijasida ikkita turar-joy binosi zarar ko'rdi. Mahalliy hokimiyat ma’lumotlariga ko‘ra, uylardan biridagi kvartira butunlay yonib ketgan. 46 yoshli ayol va ikki bola jarohatlangan; ayol kasalxonaga yotqizilgan Xarkov ham katta hujumga uchradi. Shahar meri Igor Terexovning so‘zlariga ko‘ra, rossiyalik harbiylar shahar bo‘ylab 20 dan ortiq dronlarni bir necha to‘lqinlarda uchirgan. Hujumlar natijasida shaharning turli tumanlarida kamida o‘n kishi jarohatlangan. Shuningdek, turar-joy binolaridagi yong‘inlar va transport vositalarining shikastlanishi qayd etilgan Zaporojyeda hujumdan so‘ng xususiy uy yonib ketdi va mahalliy aholi jarohatlandi. Sumida, Ukraina rasmiylariga ko'ra, otishma natijasida ikki kishi yaralangan Ukraina Energetika vazirligining xabar berishicha, 10-iyun kuni ertalab Dnepropetrovsk, Donetsk, Zaporojye, Odessa, Xarkov va Xerson viloyatlarining ayrim aholisi jangovar harakatlar va o‘qqa tutilishi sababli elektr ta’minotisiz qolmoqda Ayni paytda Zaporojye viloyatining bosib olingan qismiga Rossiya tomonidan tayinlangan rahbari Yevgeniy Balitskiy Ukraina uchuvchisiz uchoqlarining tungi hujumlari natijasida viloyatning 16 ta munitsipalitetida 300 mingdan ortiq abonent elektr ta’minotisiz qolganini ma’lum qildi. Unga ko‘ra, ijtimoiy ahamiyatga ega ob’ektlar zaxira quvvat manbalariga o‘tkazildi Zaporojye viloyatida ham ikki kishi qurbon bo‘lgani haqida xabar berilgan: Burchak qishlog‘i yaqinida mashinaga uyushtirilgan hujum oqibatida bir ayol, Pologi shahrida yuk mashinasiga qilingan hujum oqibatida yana bir kishi jarohatlangan Avvalroq Chuvashiyada mudofaa zavodi, Samara viloyati va Vladimir viloyatidagi neft inshootlari yonib ketgani ma’lum bo‘lgan edi Agar xato topsangiz, matn qismini tanlang va Ctrl+Enter tugmalarini bosing