Qozog‘istondan Eronga gumanitar yordam yetkazildi - FOTO

Tokayevning topshirig‘iga ko‘ra Qozog‘istonning KazAID xalqaro taraqqiyot agentligi Eronga insonparvarlik yordamini yetkazib berdi Bu haqda Qozog‘iston Tashqi ishlar vazirligi xabar berdi Yetkazib berish Qozog‘iston Favqulodda vaziyatlar vazirligi, Sog‘liqni saqlash vazirligi va Tashqi ishlar vazirligi bilan hamkorlikda tashkil etildi. Seraxs temir yo‘l vokzalida Eron Qizil Yarim Oy Jamiyatiga insonparvarlik yuklarini topshirish marosimi bo‘lib o‘tdi "Gumanitar yuk tarkibida go'sht konservalari, shakar, birinchi navli un, tibbiy mahsulotlar va dori-darmonlar bor. Qozog'iston tomoni yuborgan insonparvarlik yordami Eron xalqini qo'llab-quvvatlash va ijtimoiy ahamiyatga ega ehtiyojlarni qondirishga qaratilgan", - deyiladi departament xabarida Qozog‘istonning Erondagi elchisi Ontalap O‘nalboyev ta’kidlaganidek, Eron Qozog‘istonning Yaqin Sharq va islom olamidagi muhim siyosiy, savdo-iqtisodiy va gumanitar sheriklaridan biridir "Do'stlar og'ir kunlarda orttiriladi. Qozog'iston turli vaqtlarda Eron xalqini doimiy ravishda qo'llab-quvvatlab kelgan", - deya ta'kidladi elchi Bunga javoban Eron Qizil Yarim Oy Jamiyati vakili bu qadam ikki davlat o‘rtasidagi ikki tomonlama munosabatlar va o‘zaro yordamni yanada mustahkamlashini ta’kidladi 30 vagon hajmdagi gumanitar yuk Tehron shahriga yetkaziladi va tegishli muassasalar oʻrtasida taqsimlanadi, deya taʼkidladi TIV