Hindistonda mehmonxonada sodir bo‘lgan yong‘in oqibatida O‘zbekiston fuqarosi halok bo‘ldi

Dehlida mehmonxonada sodir bo‘lgan yong‘in oqibatida 21 kishi halok bo‘ldi, ulardan 13 nafari chet el fuqarolari. Qurbonlar orasida O‘zbekiston fuqarosi ham bor Hindiston Tashqi ishlar vazirligi maʼlumotlariga koʻra, halok boʻlgan xorijliklar orasida toʻrt nafar Nigeriya, uch nafar Qirgʻiziston fuqarosi va bir nafardan Mozambik, Oʻzbekiston, Bangladesh, Kongo, Liberiya va Iroq fuqarolari bor Yong‘in 3 iyun kuni Malviya Nagar tumanidagi Hauz Rani hududida joylashgan Flourish Stay B&B mehmonxonasida sodir bo‘lgan. Yana bir necha kishi yaralangan Hindiston Tashqi ishlar vazirligi matbuot kotibi Randhir Jaisvalning aytishicha, jabrlangan xorijliklar soni 20-22 atrofida bo'lishi mumkin. Uning soʻzlariga koʻra, boshqarma halok boʻlgan va jarohatlangan xorij fuqarolarining elchixonalari bilan aloqada boʻlib, zarur hujjatlarni tayyorlash va tibbiy yordam masalalarida koʻmak beradi Hindiston tashqi ishlar vaziri Subrahmanyam Jayshankar voqea munosabati bilan hamdardlik bildirdi va rasmiylar xorijiy davlatlarning diplomatik vakolatxonalari bilan hamkorlik qilayotganini aytdi Hindiston matbuotining yozishicha, yong‘in 3-iyun kuni ertalab taxminan soat 08:30da boshlangan va tezda besh qavatli binoni qamrab olgan. Mutaxassislarning fikricha, binodan chiqish yo‘llarining cheklanganligi, yopiq derazalar va asosiy eshikning sensor tizimi orqali ishlashi og‘ir oqibatlarga olib kelishi mumkin edi Yong'in paytida ko'plab mehmonlar uxlab qolishgan. Qutqaruvchilar va mahalliy aholi odamlarni binodan olib chiqishga yordam berdi. Rasmiy maʼlumotlarga koʻra, jami 58 kishi qutqarilib, shifoxonalarga yetkazilgan, ulardan 21 nafari halok boʻlgan deb eʼlon qilingan Tekshiruv davomida militsiya xodimlari mehmonxona faoliyatida jiddiy qonunbuzarliklarni aniqladi. Dehli rasmiylarining ruxsatiga ko'ra, binoda bor-yo'g'i oltita mehmon xonasi bo'lishi kerak edi, lekin aslida mehmonxonada 25 ta xona, shu jumladan podvaldagi xonalardan foydalanilgan Huquq-tartibot idoralari mehmonxona egasi Lovekesh Bajajni hibsga oldi. Unga nisbatan ehtiyotsizlik oqibatida o‘limga olib kelish va boshqa huquqbuzarlik moddalari bilan jinoyat ishi qo‘zg‘atilgan. Yong‘indan so‘ng Dehli munitsipal korporatsiyasi shaharning janubiy qismlarida noqonuniy savdo muassasalarini tekshirishni boshladi Agar xato topsangiz, matn qismini tanlang va Ctrl+Enter tugmalarini bosing