Gruziyada xavfsizlik kuchlari 45 nafar noqonuniy muhojirni hibsga oldi. Ular orasida Qozog‘iston, Qirg‘iziston, Turkmaniston va O‘zbekiston fuqarolari bor

Gruziyada xavfsizlik kuchlari noqonuniy migratsiyaga qarshi kurash doirasida 45 nafar xorij fuqarosini hibsga oldi. Bu haqda Gruziya ichki ishlar vazirligi xabar berdi Hibsga olinganlar orasida Keniya, Turkmaniston, Turkiya, O‘zbekiston, Qirg‘iziston, Rossiya, Qozog‘iston, Pokiston, Jazoir, Tailand, Uganda, Hindiston, Bangladesh, Tanzaniya, Efiopiya, Nigeriya va Sudan fuqarolari bor “Maxsus immigratsiya nazorati tadbirlari doirasida departament xodimlari turli maqsadlarda aniq manzillar va obʼyektlarni tekshirishdi, bu esa Gruziyada qonuniy asoslarsiz qolgan xorijiy fuqarolarni aniqlashga qaratilgan”, — deyiladi xabarda. Ularning barchasi mamlakatdan chiqarib yuboriladi Gruziya Ichki ishlar vazirligi muntazam ravishda bunday reydlar o'tkazib, mamlakatda noqonuniy bo'lgan xorijliklarni chiqarib yuboradi Avvalroq mamlakat immigratsiya qonunchiligini kuchaytirgan edi. Xususan, bo‘lish muddatini buzganlik uchun jarima miqdori oshirildi va namoyishlarda qatnashish qoidalarini buzganlik uchun chiqarib yuborishga ruxsat berildi. 2025-yilning 11 oyi davomida mamlakatda qonuniy asoslarsiz bo‘lgan 1131 nafar chet el fuqarosi Gruziyadan chiqarib yuborildi Azattyk Asia © 2026 RFE/RL, Inc. | Barcha huquqlar himoyalangan