Germaniyada hibsga olingan tojikistonlik boshpana izlovchiga vatanida qiynoqlar xavfi borligini isbotlash uchun vaqt berildi

Germaniya sudi hibsdagi tojikistonlik boshpana izlovchi Asadullo Boboevga vataniga deportatsiya qilinsa, qiynoqlar va uzoq muddatli qamoq jazosi kutilishi mumkinligi haqida dalillar keltirishi uchun 1 iyulgacha muhlat berdi. Bu haqda Ozodlikning tojik xizmati - Ozodi xabar berdi 54 yoshli Boboev 8 iyun kuni 19 yoshli o‘g‘li Muhammad bilan Klev tumanida qo‘lga olingan. Boboevning soʻzlariga koʻra, Germaniya migratsiya xizmati hibsga olinishini hujjatlardagi muammolar va boʻlish muddati tugagani bilan izohlagan Boboevning o'zi deportatsiyani xavfli deb hisoblaydi. U Ozodi radiosiga muxolifatdagi “Islohot va taraqqiyot” harakati aʼzosi ekanini, Tojikistonda unga qarshi ekstremizmda gumon qilinib ish ochilganini aytdi "Men ham ijtimoiy tarmoqlarda mamlakatdagi siyosiy va iqtisodiy masalalar boʻyicha oʻz fikrlarimni yozaman. Sud menga xavf ostida ekanligimni isbotlashim uchun vaqt berdi. Boʻlmasa, oʻgʻlim va meni Dushanbega joʻnatishadi", - deydi Boboev “Islohot va taraqqiyot” harakati rahbari Sharofiddin Gadoev Boboev tashkilotga aʼzo ekanligini tasdiqladi. Unga ko‘ra, Boboevni himoya qilish uchun advokat yollangan Boboev 2017 yilda rafiqasi, ikki qizi va o‘g‘li bilan Tojikistonni tark etgan. Avval oila Litvaga keldi, keyin Germaniyaga ko'chib o'tdi Boboevning so‘zlariga ko‘ra, 18 may kuni Germaniya migratsiya xizmatlari uning rafiqasi va qizlaridan birini deportatsiya qilishga uringan, biroq deportatsiya to‘xtatilgan. Uning turmush o‘rtog‘i Mastona Fayzulloevaning Ozodi radiosiga aytishicha, agar ular Tojikistonga qaytsalar, oila ta’qibdan qo‘rqishadi Oxirgi yillarda Yevropa davlatlari o‘z vatanlarida quvg‘inga duchor bo‘lish xavfi borligini aytgan Tojikiston fuqarolarini bir necha bor deportatsiya qilgan. Ulardan ba'zilari qaytganlaridan keyin hibsga olinib, uzoq muddatli qamoq jazosiga hukm qilingan. Inson huquqlari tashkilotlari, jumladan, Human Rights Watch tashkiloti Tojikistonda qiynoqlar va siyosiy sabablarga ko‘ra ta’qiblar xavfi borligini ta’kidlab, bu kabi deportatsiyalarni tanqid qilib keladi Azattyk Asia © 2026 RFE/RL, Inc. | Barcha huquqlar himoyalangan