Bishkekda internet-banking orqali 20 million so‘m o‘g‘irlaganlikda gumon qilingan shaxslar qo‘lga olindi

Bishkekda MChJ hisob raqamlaridan Internet-banking tizimi orqali 20 million so‘m o‘g‘irlanganlikda gumon qilingan ikki shaxs qo‘lga olindi. Bu haqda poytaxt IIB matbuot xizmati xabar berdi Politsiya ma’lumotlariga ko‘ra, 9 iyun kuni MChJ direktori o‘rinbosari Bishkek ichki ishlar bosh boshqarmasiga ariza bilan murojaat qilgan. U internet-banking tizimiga ruxsatsiz kirish yoʻli bilan kompaniya hisob raqamlaridan 20 million soʻm oʻgʻirlagan nomaʼlum shaxslarga nisbatan chora koʻrishni soʻragan Mazkur holat yuzasidan Qirg‘iziston Respublikasi Jinoyat kodeksining 209-moddasi “Firibgarlik” bilan jinoyat ishi qo‘zg‘atilgan Olib borilgan tezkor-qidiruv va texnik tadbirlar davomida Bishkek Bosh IIB Jinoyat qidiruv boshqarmasi “K” bo‘limi xodimlari tomonidan jinoyat sodir etishda gumon qilinib, 2000-yilda tug‘ilgan V.P. va 1984-yilda tug‘ilgan N.N.lar aniqlanib, qo‘lga olindi. Ular Bishkek IIB vaqtinchalik saqlash hibsxonasiga joylashtirildi Sud qarori bilan gumonlanuvchiga nisbatan ikki oy muddatga qamoqqa olish tarzidagi ehtiyot chorasi qo‘llanilgan. Ular Bishkekdagi 1-tergov izolyatorida saqlanadi Hozirda tergov davom etmoqda. Politsiya jinoyatga aloqador bo‘lishi mumkin bo‘lgan boshqa shaxslarni aniqlamoqda Avvalroq, Jogorku Kenesh qoʻmitasi yigʻilishida deputat Taalaybek Saribashov internet firibgarlari bir kunda bankdan 20 million soʻmni olib qoʻyganini maʼlum qilgandi. U bank nomini aytmadi, biroq voqea o‘tgan hafta sodir bo‘lganini ta’kidladi. Deputat vaziyat bankning o‘z kamchiliklari bilan bog‘liq bo‘lishi mumkinligini taxmin qildi va Milliy bankni tijorat banklari ustidan nazoratni kuchaytirishga chaqirdi