Ozarbayjonda Estoniya elchixonasi ochildi

Ozarbayjonda Estoniya Respublikasining elchixonasi ochildi. Bu haqda Ozarbayjon va Estoniya tashqi ishlar vazirliklari oʻrtasidagi siyosiy maslahatlashuvlar yakunlari boʻyicha matbuot-relizida aytiladi Maslahatlashuvlar doirasida Ozarbayjon va Estoniya oʻrtasidagi siyosiy munosabatlarning bugungi holati koʻrib chiqilib, ikki tomonlama muloqotning uzluksiz rivojlanishida oʻzaro tashriflar va xalqaro platformalar doirasidagi uchrashuvlarning ahamiyati alohida taʼkidlandi Estoniyaning Ozarbayjondagi elchixonasi faoliyatini boshlaganidan mamnunlik bildirildi Uchrashuvda tomonlar iqtisodiy, gumanitar va ta’lim sohalaridagi hamkorlikning bugungi holati va yanada rivojlantirish istiqbollarini ham muhokama qildilar. Shu bilan birga, xalqaro tashkilotlar doirasidagi o‘zaro hamkorlik, Ozarbayjon tashabbusi va faol ishtirokida amalga oshirilayotgan strategik energetika va transport loyihalari yuzasidan fikr almashildi Tomonlar mintaqadagi mavjud vaziyat, Ozarbayjon-Armaniston munosabatlarini normallashtirish, shuningdek, mamlakatimizning ishg‘oldan ozod etilgan hududlarida olib borilayotgan keng ko‘lamli qurilish-ta’mirlash va minalardan tozalash ishlarining borishini muhokama qildilar Shu bilan birga, tomonlarni qiziqtirgan mintaqaviy va xalqaro kun tartibining boshqa masalalari yuzasidan ham fikr almashildi