Andijonda 41 yoshli militsiya inspektori voyaga yetmagan qiz bilan jinsiy aloqada bo‘lganlikda ayblanmoqda

O‘zbekiston, Toshkent – ​​Podrobno.uz. Andijon viloyatida voyaga yetmagan bolaning jinsiy daxlsizligiga qarshi jinoyat sodir etishda gumon qilingan IIB inspektori qamoqqa olindi Bu haqdagi maʼlumotni ijtimoiy tarmoqlardagi xabarlar fonida Respublika Bosh prokuraturasi tasdiqladi Tekshiruvga Qo‘rg‘ontepa tuman prokuraturasi tomonidan joriy yilning 3-iyun kuni uyidan chiqib, qaytib kelmagan 2010-yilda tug‘ilgan voyaga yetmagan fuqaroning bedarak yo‘qolganligi yuzasidan olib borilgan surishtiruv ishlari sabab bo‘lgan. Tekshiruv tadbirlari davomida Andijon viloyati IIB Voyaga yetmaganlarga ijtimoiy-huquqiy yordam ko‘rsatish markazi inspektori-ijtimoiy xodimi qizni Andijon shahridagi ko‘p qavatli uylardan biriga olib kirib, u bilan jinsiy aloqada bo‘lganligi ma’lum bo‘ldi Mazkur holat yuzasidan 4 iyun kuni ichki ishlar organlari xodimiga nisbatan O‘zbekiston Jinoyat kodeksining 128-moddasi 3-qismi “v” bandi (o‘n olti yoshga to‘lmagan shaxs bilan jinsiy aloqada bo‘lish) bilan jinoyat ishi qo‘zg‘atilgan. Sud qarori bilan gumonlanuvchiga nisbatan qamoqqa olish tarzidagi ehtiyot chorasi qo‘llanilgan Avvalroq ushbu ishga aloqador shaxs Andijon boks maktabining taniqli vakili, 2004 yilgi Olimpiada o‘yinlari bronza medali sovrindori, Ichki ishlar boshqarmasida mayor lavozimida ishlab kelayotgan Bahodir Sultonov bo‘lishi mumkinligi xabar qilingandi. Hozirda Qo‘rg‘ontepa tuman prokuraturasi tomonidan dastlabki tergov harakatlari olib borilib, uning borishi qonun ustuvorligini ta’minlash va yakuniy qonuniy qaror qabul qilish maqsadida viloyat prokuraturasi nazoratiga olingan