O‘zbekiston iqtisodiyoti yangi imkoniyatlar bosqichiga kirdi – Prezident Mirziyoyev (FOTO)

TOSHKENT, Oʻzbekiston, 17-iyun. Oʻzbekiston iqtisodiyoti yangi imkoniyatlar bosqichiga kirdi, deb maʼlum qildi Oʻzbekiston Prezidenti Shavkat Mirziyoyev V Toshkent xalqaro investitsiya forumining (TIIF 2026) ochilishida, deya xabar beradi “Trend”ning maxsus muxbiri "Jahon iqtisodiyoti va jahon kapitali manzarasi keskin oʻzgarib borayotgan, taʼminot zanjiridagi uzilishlar kuchayib borayotgan hozirgi sharoitda har qanday investor birinchi navbatda tadbirkorlarning huquq va erkinliklari ishonchli himoyalangan, iqtisodiyoti jadal rivojlanayotgan, keng imkoniyatlar mavjud mamlakatlarga sarmoya kiritishga intilishi tabiiy. Shu bois Oʻzbekistonda investitsiya iqlimini yaxshilash boʻyicha tizimli chora-tadbirlar koʻrilmoqda", - dedi u Mirziyoyev oʻtgan yili mamlakat yalpi ichki mahsuloti 6 foizga oʻsganini taʼkidladi "Iqtisodiyotimizga 43 milliard dollar sarmoya jalb etildi. Milliy valyutamiz barqarorligi taʼminlandi, xalqaro zaxiralar hajmi esa 70 milliard dollardan oshdi. Koʻpchilik bu forumni ilk bor oʻtkazganimizni eslaydi. Toʻrt yil avval boʻlib oʻtgan birinchi forumda biz Oʻzbekiston yalpi ichki mahsulotini 2026-yil oxirigacha 100 milliard dollarga yetkazish vazifasini qoʻygan edik. Hozir esa birgalikdagi saʼy-harakatlarimiz tufayli iqtisodiyotimiz kutilayotgan oʻsish surʼatlaridan ham oshib bormoqda. Joriy yilda 180 mlrd dollar, — deya qoʻshimcha qildi Oʻzbekiston Prezidenti Shuningdek, Mirziyoyev Oʻzbekistonning xalqaro kredit reytingi yildan-yilga yaxshilanib borayotganini taʼkidladi "Mamlakatimiz bu yil nufuzli Iqtisodiy erkinlik indeksida 14 pogʻonaga koʻtarilib, birinchi marta "oʻrtacha erkin” iqtisodiyotga ega davlatlar qatoridan joy oldi. Bularning barchasi Oʻzbekiston iqtisodiyoti oʻsishning yangi bosqichiga qadam qoʻyayotganidan, yangi imkoniyatlardan dalolat beradi", - dedi u 16-iyun kuni O‘zbekiston poytaxtida sarmoyadorlar, davlat idoralari va xalqaro moliya institutlari o‘rtasidagi muloqot uchun muhim maydonga aylangan 5-yubiley Toshkent xalqaro investitsiya forumi boshlandi Yubiley forumi nafaqat oldingi yutuqlarni mustahkamlash, balki uning ishtirokchilari geografiyasini kengaytirish, sohaga oid ixtisoslashuvni chuqurlashtirish va tadbirlarning amaliy ahamiyatini oshirishga qaratilgan. Bugungi kunda TIIF xalqaro kapital ishonchining ko'rsatkichi va O'zbekistonni global qiymat zanjirlariga integratsiyalash platformasi bo'lib xizmat qilmoqda