O‘zbekistonning yutuqlari e’tirof etildi

Tadbirda 65 davlatdan 427 nafar delegat, xalqaro tashkilotlar vakillari, ekspertlar ishtirok etdi Ochilish marosimida XI Bosh kotibi Martin Chungong, IPU prezidenti Tuliya Ekson, Serbiya Milliy assambleyasi spikeri Ana Brnabich va Serbiya hukumati vakillarining nutqlari tinglandi Ishtirokchilar gender tengligini taʼminlash, qarorlar qabul qilish jarayonlarida ayollar ishtirokini kengaytirish, siyosiy sohada teng imkoniyatlarga toʻsqinlik qilayotgan ijtimoiy va institutsional toʻsiqlarni bartaraf etish bilan bogʻliq masalalarni muhokama qildilar IPU maʼlumotlariga koʻra, yil boshi holatiga koʻra, ayollar milliy parlamentlarda oʻrtacha 27,5 foiz oʻrinni egallagani bu boradagi saʼy-harakatlarni kuchaytirish zarurligini taʼkidlaydi O‘zbekiston Respublikasi Oliy Majlisi Senati Raisi Tanzila Narboyeva yalpi majlisda so‘zga chiqib, Prezidentimiz rahnamoligida gender tengligini ta’minlash mamlakatimiz davlat siyosatining ustuvor yo‘nalishlaridan biriga aylanganini ta’kidladi. Bu borada amalga oshirilayotgan islohotlar haqida batafsil ma’lumot berildi Senat Raisi gender stereotiplariga barham berish barqaror rivojlanish va samarali davlat boshqaruvi uchun muhim ahamiyat kasb etishini ta’kidlab, parlamentlar o‘rtasida tajriba almashishni kengaytirish, samarali qonunchilik mexanizmlarini joriy etish zarurligini ta’kidladi Konferensiya ishtirokchilari O‘zbekistonda Prezident Shavkat Mirziyoyev rahnamoligida gender tengligini ta’minlash borasida amalga oshirilayotgan islohotlar, xususan, xotin-qizlarni davlat ko‘magida rahbarlik lavozimlariga tayinlash amaliyotini ijobiy baholab, bu tajribani o‘rganish va xalqaro miqyosda targ‘ib qilish muhimligini ta’kidladilar Bir qator mamlakatlar parlamentlari vakillari gender tengligini ta’minlash bo‘yicha o‘z tajribalari bilan o‘rtoqlashdi, jamiyat va davlat boshqaruvida ayollarning rolini kengaytirish borasidagi yutuq va muammolar haqida ma’lumot berdi. Ishtirokchilar bu jarayonga davlat organlarini, ayniqsa hukumatlarni jalb etish muhimligini ta’kidlab, gender stereotiplari va salbiy ijtimoiy me’yorlarni yengish uchun parlamentlararo birdamlikni kuchaytirish zarurligiga kelishib oldilar Norgul Abduraimova, O‘zA Belgrad, Serbiya Respublikasi