Oʻzbekiston 2026-yilda JSTga toʻlaqonli aʼzo boʻlishi kerak — Mirziyoyev

Shavkat Mirziyoyev 6-may kuni O‘zbekistonning Jahon savdo tashkilotiga (JST) a’zo bo‘lishi bo‘yicha 2025-yilda amalga oshirilgan ishlar va bu jarayonni jadallashtirish bo‘yicha vazifalar taqdimotini ko‘rib chiqdi O‘tgan yili O‘zbekistonning JSTga a’zo bo‘lishi bo‘yicha ko‘p tomonlama va ikki tomonlama muzokaralar doirasida salmoqli natijalarga erishildi. Respublikaning a’zo bo‘lish bo‘yicha ishchi guruhining ikkita yig‘ilishi bo‘lib o‘tdi, unda JST a’zolariga 200 dan ortiq savollarga, shuningdek, tashqi savdoga oid 30 dan ortiq hujjatlarga javoblar berildi Bundan tashqari, 40 dan ortiq ikki tomonlama muzokaralar boʻlib oʻtdi. 11 davlat bilan muzokaralar yakunlandi va muzokaralar jarayoni yakunlangan davlatlarning umumiy soni 33 taga yetdi JST aʼzolari Oʻzbekistonda bozor iqtisodiyotiga oʻtish borasida amalga oshirilayotgan islohotlarga ijobiy baho bermoqda. Xususan, o‘tgan yili 68 ta normativ-huquqiy hujjat JST talablari va xalqaro standartlarga muvofiqlashtirildi.Spot reklama JST qoidalariga muvofiqlashtirish doirasida intellektual mulk obyektlarini ro‘yxatga olish tartib-taomillari soddalashtirildi va ushbu sohadagi huquqbuzarliklar uchun javobgarlik kuchaytirildi; eksport cheklovlari olib tashlandi va shaffof mexanizmga ega eksport bojlari joriy etildi, ayrim turdagi mahsulotlar uchun eng kam eksport narxlarini belgilash amaliyoti to‘xtatildi Shuningdek, savdodagi texnik to‘siqlarni qisqartirish hamda sanitariya va fitosanitariya choralarini ko‘rish borasidagi islohotlar doirasida xavfli mahsulotlarni majburiy davlat ro‘yxatidan o‘tkazishning byurokratik tartibi o‘rniga sertifikatlashtirish tizimi joriy etildi Oziq-ovqat xavfsizligini nazorat qilish Sanitariya-epidemiologiya va aholi salomatligini muhofaza qilish qo‘mitasiga o‘tkazildi. Bundan tashqari, oziq-ovqat mahsulotlariga oid 14 ta texnik reglament bekor qilindi, 747 ta tovar obyekti uchun majburiy sertifikatlash talabi olib tashlandi va tegishli roʻyxat 27 foizga qisqartirildi Taqdimot davomida oziq-ovqat xavfsizligi va savdoni muhofaza qilish chora-tadbirlari to‘g‘risidagi yangi qonunlarning qabul qilinishi, shuningdek, sanitariya, veterinariya, karantin sohalarida xavf-xatarlarni tahlil qilish, kuzatish va ilmiy asoslash tartib-qoidalarini amalga oshirish holati ko‘rib chiqildi Prezident Oʻzbekistonning 2026-yilda JSTga toʻlaqonli aʼzo boʻlishini taʼminlashga qaratilgan kompleks chora-tadbirlarni sifatli amalga oshirish boʻyicha topshiriqlar berdi Bundan tashqari, tashqi iqtisodiy faoliyat sohasidagi qonunchilikni JST qoidalari va xalqaro savdo standartlariga toʻliq muvofiqlashtirish boʻyicha ishlarni tizimli davom ettirish, JSTga kirish va aʼzolikni rasmiylashtirish boʻyicha ikki va koʻp tomonlama muzokaralarni yakunlash boʻyicha zarur chora-tadbirlar belgilandi Ushbu materialning inglizcha versiyasi AI tarjima vositalari yordamida yaratilgan va asl matndan biroz farq qilishi mumkin