O‘zbekistonda fyuchers savdosini joriy etishning amaliy bosqichi boshlandi

Bu haqda kompaniya axborot xizmati rahbari Hikmatullo Tillaboyev ma’lum qildi “Ushbu hujjat mamlakatimizda zamonaviy fyuchers bozorini yo‘lga qo‘yish borasidagi islohotlarning yana bir muhim bosqichini ko‘rsatadi.Tashabbus milliy iqtisodiyotni jahon derivativ bozoriga integratsiya qilish, birja tizimini yangi bosqichga ko‘tarish, xalqaro tajribani amaliyotga tatbiq etish uchun keng yo‘l ochadi E’tiborlisi, mamlakatimizda fyuchers savdosini joriy etish borasidagi sa’y-harakatlar amaliy bosqichga o‘tmoqda. Shu maqsadda tovar fyucherslari va boshqa hosilaviy vositalar bozorini tashkil etish maqsadida “UZEX Global” qo‘shma korxonasi tashkil etildi. Ushbu tuzilma fyuchers savdolarini tashkil etish, kliring jarayonlarini ishga tushirish va risklarni boshqarish mexanizmlarini joriy etishni ta'minlovchi milliy derivativlar bozori uchun asosiy institutsional platforma bo'lib xizmat qiladi Hamkorlikning yana bir muhim jihati Singapurning loyihani amalga oshirishdagi ilg‘or tajribasidir. Singapur dunyodagi yetakchi moliyaviy va savdo markazlaridan biri hisoblanadi. Uning derivativlari bozori infratuzilmasi, kliring tizimlari, risklarni boshqarish amaliyoti va birja operatsiyalarini tashkil etish mexanizmlari xalqaro miqyosda eng samarali deb tan olingan Phillip Capital katta xalqaro tajribaga ega va yetakchi global birja va derivativ bozorlari ishida faol ishtirok etadi. Kompaniyaning tajribasi va zamonaviy texnologik yechimlari O‘zbekistonda xalqaro standartlarga javob beradigan shaffof va raqobatbardosh fyuchers bozorini rivojlantirishga xizmat qilishi kutilmoqda Loyihaning amalga oshirilishi mahalliy ishlab chiqaruvchilar, eksportchilar, importchilar va investorlar uchun yangi imkoniyatlar yaratadi. Xususan, ular narx risklarini himoya qilish, bozordagi keskin tebranishlar ta’sirini yumshatish, zamonaviy moliyaviy vositalardan samarali foydalanish vositalariga ega bo‘ladilar. Bu iqtisodiyotning real sektorida barqarorlik va samaradorlikni oshirishga, investitsion jozibadorlikni mustahkamlashga, mamlakatda bozor mexanizmlarini takomillashtirishga xizmat qiladi” Nasiba Ziyodullayeva, O‘zA