O‘zbekiston Global ekologik fondning donor davlatlari ro‘yxatiga kirishga tayyor – Prezident

Global ekologik fond assambleyasi doirasida O‘zbekiston qator tashabbuslarni ilgari surmoqchi. Bu haqda davlat rahbarining murojaatida aytiladi Mamlakat Samarqandni “Markaziy Osiyoning yashil investitsiya va innovatsion poytaxti” deb e’lon qilishni taklif qilmoqda “Biz Samarqandni yashil iqtisodiyot, barqaror rivojlanish va iqlimni moliyalashtirishning mintaqaviy markaziga aylantirish, shaharni tajribaviy “yashil hudud” sifatida rivojlantirish va bu tajribani respublikaning boshqa shaharlarida ham kengaytirishni o‘z oldimizga maqsad qilib qo‘yganmiz” Iqlim oʻzgarishining salbiy oqibatlariga qarshi samarali yechimlar ishlab chiqish maqsadida Iqlim oʻzgarishi va gidrometeorologiya milliy markazi tashkil etilmoqda Markaz gidrometeorologiya, erta ogohlantirish, glatsiologiya, iqlim ta'sirini baholash va issiqxona gazlari monitoringini birlashtiradi, iqlim prognozlari, modellashtirish, moslashish va yumshatish dasturlari, mintaqaviy hamkorlik, shuningdek, WMO GAW va NASA AERONET dasturlarida ishtirok etish uchun institutsional asos yaratadi O‘zbekiston Prezidenti mintaqaning barcha davlatlarini “Toza havo” davlatlararo konsorsiumi faoliyatiga qo‘shilishga taklif qildi Cho‘llanishga qarshi kurashish instituti negizida Orolbo‘yi mintaqasida cho‘llanish oqibatlarini yumshatish, “yashil” qalqonlarni yaratish va iqlimga moslashishga qaratilgan “cho‘l iqtisodiyoti” tashabbusini ilgari surish va uni xalqaro moliyaviy va texnik ko‘mak bilan GEF ustuvorliklari bilan uyg‘unlikda amalga oshirish taklif etilmoqda Toshkent investitsiya forumi 2027 “Barqaror rivojlanish va yashil investitsiyalar” mavzusida boʻlib oʻtadi va uning doirasida “Eco Expo Central Asia” xalqaro koʻrgazmasi tashkil etiladi Forumda har bir hudud yashil investitsiyalarni jalb qilish bo‘yicha kamida 100 ta istiqbolli loyihalarni tayyorlaydi va investorlarga taqdim etadi O‘zbekiston Global ekologik fondning donor davlatlari qatoriga qo‘shilishga tayyor. – Jamg‘arma kengashi a’zosi sifatida qo‘shma mintaqaviy tashabbuslarni amaliy qo‘llab-quvvatlash va hamkorlikni kengaytirish niyatidamiz, – dedi davlatimiz rahbari O‘zbekistonda yana cho‘llanish xavfi juda yuqori ekanligini avvalroq yozgan edik Agar xato topsangiz, matn qismini tanlang va Ctrl+Enter tugmalarini bosing