O‘zbekiston va Pokiston sanoat va sarmoyaviy hamkorlikni kengaytirish masalalarini muhokama qildi

Muloqot chog‘ida sanoat, sarmoya, savdo, logistika, energetika, geologiya, farmatsevtika sohalarida ikki tomonlama hamkorlikni kengaytirish bo‘yicha amaliy qadamlar muhokama qilindi. Qo‘shma investitsiya va ishlab chiqarish loyihalarini amalga oshirish, o‘zaro tovar ayirboshlash hajmini oshirish, ikki mamlakat tadbirkorlik doiralari o‘rtasidagi ishbilarmonlik aloqalarini mustahkamlashga alohida e’tibor qaratildi Xorun Axtar Xon O‘zbekiston Prezidenti Shavkat Mirziyoyevning joriy yil fevral oyida Pokistonga davlat tashrifi ikki davlat munosabatlarida muhim tarixiy voqea bo‘lganini ta’kidladi – Davlatimiz rahbarining dunyoqarashi, strategik tafakkuri, yuksak siyosiy donoligi menda katta taassurot qoldirdi, – dedi u. “Davlatingiz rahbari rahnamoligida iqtisodiyotni modernizatsiya qilish, barqaror iqtisodiy oʻsishni taʼminlash, aholi farovonligini oshirish, mintaqaviy hamkorlikni mustahkamlashga qaratilgan keng koʻlamli islohotlar izchil amalga oshirilayotganini ham yuksak qadrlaymiz.Oʻzbekistonning bu boradagi boy tajribasi Pokiston uchun ham muhim” Tomonlar O‘zbekiston Prezidentining Pokistonga davlat tashrifi chog‘ida erishilgan kelishuvlarni amalga oshirishni jadallashtirish, ikki mamlakat ishbilarmon doiralari o‘rtasidagi aloqalarni kengaytirish, yangi qo‘shma sarmoyaviy va sanoat loyihalarini ishga tushirish yuzasidan atroflicha fikr almashdilar Bundan tashqari, Pokistondan O‘zbekistonga chorva mollarini olib kirish imkoniyatlari ko‘rib chiqildi. Tomonlar bu boradagi hamkorlik ikki mamlakatda oziq-ovqat xavfsizligini ta’minlash, qishloq xo‘jaligi sohasidagi aloqalarni mustahkamlashga xizmat qilishini ta’kidladilar Shuningdek, 16-18 iyun kunlari Toshkent shahrida bo‘lib o‘tadigan IV Toshkent xalqaro investitsiya forumida Pokiston oliy darajadagi delegatsiyasining ishtiroki bilan bog‘liq masalalar ham ko‘rib chiqildi Alisher Toʻxtayevning taʼkidlashicha, erishilgan kelishuvlarning izchil amalga oshirilishi Oʻzbekiston va Pokiston oʻrtasidagi iqtisodiy sheriklikni sifat jihatidan yangi bosqichga koʻtarishga xizmat qiladi