Politsiya huquq himoyachisi Aziza Abdirasulovani hibsga olgani xabar qilingandi

“Qilim shami” nodavlat tashkiloti asoschisi, huquq himoyachisi Aziza Abdirasulova Nuken tumani IIB xodimlari tomonidan qo‘lga olingani xabar qilingan edi. Buni 15 iyun kuni uning turmush o‘rtog‘i “Ozodlik”ga tasdiqladi “Endi o‘zi bog‘landi, Nukenni tuman ichki ishlar bo‘limiga olib kelganini aytishdi. Kelgan xodimlar qog‘oz ko‘rsatishdi”, dedi u Tuman politsiyasi bu haqda ma'lumot bermadi 15-iyun kuni Abdirasulova Facebook’da o‘zini Milliy xavfsizlik davlat qo‘mitasi va N’uken tuman IIB xodimlarimiz deb tanishtirgan noma’lum shaxslar unga qo‘ng‘iroq qilib, tahdid qilishayotgani haqida yozgan edi Uning qayd etishicha, maxsus xizmatlar va politsiya tomonidan ta’qiblar uning Facebook’da fuqarolik faoli Mavlyan Asqarbekovning hibsga olingani haqida yozgan postlaridan keyin boshlangan. Huquq himoyachisining aytishicha, bu postlarda hech qanday qonunbuzarlik yo'q Maxsus xizmatlar, militsiya va Ichki ishlar vazirligi Abdirasulovaning so‘nggi bayonotlariga hozircha izoh bermadi Aziza Abdirasulova qariyb o‘ttiz yildan buyon inson huquqlarini himoya qilish bilan shug‘ullanadi. 2002-yildan buyon “Qilim shami” nodavlat tashkiloti inson huquqlarini himoya qilish, mamlakatdagi siyosiy, ijtimoiy va boshqa voqealar, saylovlar, yopiq joylarda va armiyadagi inson huquqlarini nazorat qilish sohasida faoliyat yuritib kelmoqda Bir necha yil avval tashkilot rahbariyatini qiziga topshirgan Abdirasulova inson huquqlarini himoya qilish borasidagi faoliyati tufayli 2024-yilda hayoti xavfsizligi uchun vatanini tark etishga majbur bo‘lganini aytdi Taxminan bir yildan keyin u mamlakatga qaytib keldi Joriy yilning 21 yanvar kuni Aziza Abdirasulova Yevropa Kengashining Raul Vallenberg mukofoti bilan taqdirlandi. Yevropa Kengashi bayonotida Abdirasulovaning Markaziy Osiyoda “inson huquqlarining muntazam ravishda poymol etilishini fosh etish bo‘yicha beqiyos sa’y-harakatlari”, ayniqsa, mahbuslar huquqlarini himoya qilish, fuqarolarning erkin yig‘ilish huquqlarini ta’minlash, qiynoqlarga qarshi kurashdagi mashaqqatli mehnati yuksak baholangani qayd etilgan. (ZKo)