Ukraina va Suriya elchixonalar faoliyatini tiklashga kelishib oldi

Ukraina va Suriyada bu davlatlarning elchixonalari qayta ochiladi Bu haqda Ukraina tashqi ishlar vaziri Andrey Sibiga X ijtimoiy tarmoqdagi sahifasida ma’lum qildi, deya xabar beradi “AZERTA” Vazirning aytishicha, bugun Suriya tashqi ishlar vaziri Asad Hasan al-Shayboniy bilan muzokaralar o‘tkazgan va tomonlar bir qator muhim masalalar va tashabbuslarni muhokama qilgan. Yevropa va Yaqin Sharq xavfsizligi bir-biri bilan chambarchas bog‘liq ekani ta’kidlanib, ushbu mavzu asosiy e’tiborda bo‘lgan "Xalqlarimiz uchun barqaror tinchlikka erishish yo‘lida hamkorlik qilishda davom etamiz. Shuningdek, biz iqtisodiy hamkorlikni chuqurlashtirish uchun katta salohiyatga ega bo‘lgan yo‘nalishlar - savdo, dengiz yo‘llari va logistikani rivojlantirishni muhokama qildik", - dedi Sibiga Vazirning ta'kidlashicha, oziq-ovqat xavfsizligi ustuvor vazifa bo'lib qolmoqda. Uning qo‘shimcha qilishicha, Ukraina mintaqadagi barqarorlikni qo‘llab-quvvatlash uchun Ukrainaning g‘alla tashabbusi orqali hissa qo‘shishga tayyor Sibiga, diplomatik aloqalarni tiklash bo'yicha qo'shma bayonot imzolanganidan buyon o'zaro tovar ayirboshlash hajmi to'qqiz barobar oshganini va bundan buyon ham kengayish imkoniyatlari mavjudligini aytdi Tomonlar shuningdek, gumanitar va ta’lim sohasidagi hamkorlik masalalarini ham muhokama qildilar. Suriyadan ko‘plab talabalar Ukrainada tahsil olgani va o‘qishni davom ettirayotgani kelajakdagi hamkorlik uchun mustahkam zamin yaratayotgani ta’kidlandi Vazir yakunida tomonlar Kiyev va Damashqdagi elchixonalar faoliyatini yaqin vaqt ichida tiklashga kelishib olganini aytdi 2026 © AZERTAC. Mualliflik huquqi himoyalangan. Ma'lumotlardan foydalanish giperhavola bilan havola qilinishi kerak