Ukraina armiyasi Rossiyaning muhim neft infratuzilma ob'ektlariga zarba berdi

Ukraina Qurolli kuchlari Rossiyaning Volgograd viloyatida joylashgan neftni qayta ishlash va tashish zavodiga, shuningdek, Krasnodar o‘lkasining Volna aholi punktidagi “Tamanneftegaz” terminaliga zarba berdi Bu haqda Ukraina Qurolli kuchlari Bosh shtabiga tayanib, “UNIAN” xabar berdi Bosh shtab maʼlumotlariga koʻra, 13-iyunga oʻtar kechasi Ukraina kuchlari Volgograd viloyatidagi neftni qayta ishlash va uzatish inshootiga hujum qilgan. Hujum natijasida korxona hududida kuchli yong‘in sodir bo‘lgan Ma'lum qilinishicha, mazkur ob'ekt neftni tayyorlash, tashish va Rossiyaning neftni qayta ishlash ob'ektlari va eksport infratuzilmasiga magistral quvurlar orqali etkazib berishni ta'minlaydi. Korobkovskoe neft-gaz koni va qo'shni viloyatlardagi konlarda ishlab chiqarilgan neftni qayta ishlash uchun ham ushbu ob'ektdan foydalaniladi Ayni vaqtda Ukraina kuchlari Rossiyaning Krasnodar o‘lkasida joylashgan “Tamanneftegaz” neft-gaz terminaliga hujum uyushtirdi. Natijada neft mahsulotlarini saqlaydigan tanklar, kompleks infratuzilmasi va Rossiya havo hujumidan mudofaa tizimlarining pozitsiyalari shikastlangan Shu bilan birga, Ukraina mudofaa kuchlari Donetsk viloyatidagi Soledar shahri yaqinida hamda Zaporojye viloyatidagi Verxnyaya Krinitsa aholi punkti atrofida joylashgan rus qo‘shinlarining nazorat nuqtalari va kontsentratsion hududlariga ham zarba berdi