Ukraina “aeroportda sulh”ga erishmoqchi

Ukraina tashqi ishlar vaziri Andrey Sibiga Yevropa Ittifoqiga Rossiya Federatsiyasi va Ukrainadagi aeroportlarga hujumlardan o‘zaro voz kechish bo‘yicha kelishib olishga yordam berishni taklif qildi Vazirning ta'kidlashicha, Kiyev tinchlik muzokaralarida "ehtimol Yevropa uchun yangi rolga muhtoj", chunki AQSh yetakchiligidagi diplomatik jarayon sekinlashgani va Rossiya prezidenti Vladimir Putin urushni tugatish bo‘yicha kengroq kelishuvga tayyor emasligini ko‘rsatmoqda “Ehtimol, biz “aeroportdagi sulh”ni hal qilishga yoki unga erishishga harakat qilamiz”, — deya qoʻshimcha qildi vazir Kiyev rejasiga ko‘ra, tomonlar aeroportlarga hujum qilishdan tiyilishi kerak edi. Ukraina tashqi ishlar vazirligi rahbari Rossiya ham bunday kelishuvdan manfaatdor bo‘lishi mumkinligiga ishonch bildirdi, chunki Rossiyaning yirik aeroportlari Ukrainaning uzoq masofali hujumlari nishoniga aylanib bormoqda Sibiga yevropalik hamkorlarga bunday sulh formatini muhokama qilish uchun alohida platforma yoki maxsus guruh tuzishni taklif qildi. Uning soʻzlariga koʻra, Ukraina prezidenti Vladimir Zelenskiy bu gʻoyani baʼzi Yevropa yetakchilari bilan muhokama qilgan Shu bilan birga, TIV rahbari Ukraina Yevropa muzokaralarda AQSh o‘rnini egallashni taklif qilmasligini ta’kidladi "Bu bir-birini to'ldiruvchi yo'nalish bo'lishi kerak - buning o'rniga emas, muqobil emas", deb tushuntirdi u va Yevropa "bir ovozdan" gapirishi kerakligini qo'shimcha qildi