“Agar biz bolalarni virtual olam xatarlaridan asrashni istasak...” – Ekspert

"Bola jim o'tirsin, xalaqit berma..." Bugun ko'p oilalarda bolalarning virtual olamga "surgun" qilinishiga aynan shu jumla sabab bo'lmoqda.Lekin bolaga planshet yoki telefon berib, chetga chiqish tarbiya berish emas, balki mas'uliyatdan qochish ekanligini unutamiz Bu fikrlarni 525.az nashriga ta’lim bo‘yicha ekspert Amrah Hasanli aytdi Mutaxassisning ta'kidlashicha, biz real hayotda farzandimiz qayerga borishini, kim bilan o'tirishini bosqichma-bosqich kuzatib borar ekanmiz, virtual olamda uni butunlay yolg'iz qoldiramiz. Eng yomoni, ertalabdan kechgacha ijtimoiy tarmoqlardan boshini ko'tarmaydigan ota-ona farzandiga internetning zarari haqida gapira olmaydi: "Raqamli giyohvandlikka chalingan ota-ona bolaga raqamli gigienani o'rgata olmaydi. Farzandlarimizni virtual olamning xavf-xatarlaridan himoya qilmoqchi bo'lsak, avvalo qoidalarni o'zimizdan boshlashimiz kerak. Chunki bolalar biz aytgan gaplarni emas, nima qilayotganimizni kuzatib ulg'ayishadi"