Borshaykom raisi etib Tinchtiq Shaynazarov qayta saylandi

3-iyun kuni Markaziy saylov komissiyasining yangi saylangan a’zolarining birinchi yig‘ilishi bo‘lib o‘tdi va Tinchtiq Shaynazarov sakkiz ovoz bilan Borshaykom raisi etib qayta saylandi Rais oʻrinbosarlari etib Ruslanbek Jaqishov va Leyla Lurova saylandi. Bu haqda Borshaykom matbuot xizmati xabar berdi Shu kuni Jogorku Kenesh MSKning yangi tarkibi aʼzoligiga nomzodlarni tasdiqladi. Prezident Sadir Japarov Borshaykom aʼzoligiga Almaz Aybolaev, Ruslanbek Jakishev, Bodesh Mamirova va Mirgul Temirboyeva nomzodini koʻrsatdi. Deputatlik guruhlari esa Tynchtiq Shaynazarov, Suyunbek Kasmambetov, Leyla Lurova va Timur Otorboev nomzodini ilgari surdi Ulardan besh nafari Jogorku Keneshning sobiq deputati, uch nafari parlament devonining sobiq xodimlaridir May oyida Sadir Japarov Markaziy saylov komissiyasi (MSK) a’zolari sonini 12 nafardan 8 nafarga qisqartirish to‘g‘risidagi qonunni imzolagan edi. Unga ko‘ra, MSKning sakkiz nafar a’zosi besh yil muddatga saylanadi va ulardan to‘rt nafari Prezident tomonidan, qolgan to‘rt nafari esa Jogorku Kenesh tomonidan taqdim etiladi Avvalgi 12 a’zodan iborat Borshaykom 2021-yil iyun oyida saylangan. Qirg‘izistonda prezidentlik saylovlari 2027-yil yanvarida bo‘lib o‘tadi 52 yoshli Tinchtiq Shaynazarov O‘sh viloyatining Qora-suv tumanining Madi qishlog‘ida tug‘ilgan. Mehnat faoliyatini Cho‘n-Oloy tuman prokuraturasida ishlashdan boshlagan. Jogorku Keneshning 5 va 6-chaqiriqlari deputati. 2025-yil fevral oyidan MSK raisi lavozimida ishlab kelmoqda. (BTo)