Neft narxi 100 dollargacha tushdi

Brent neftining benchmark narxi bugun, 6-may kuni savdolar chog‘ida 9 foizga – bir barrel uchun 100 dollardan pastga tushdi, deb yozadi Meduza Savdolar davomida ICE Futures’dagi Brent iyul fyucherslarining narxi bir barrel uchun 99,84 dollargacha pasaydi, shundan so‘ng u barqarorlashdi va 100 dollar atrofida savdoni boshladi RBC taʼkidlaganidek, bozor AQSh va Eron urushni tugatish boʻyicha kelishuvga yaqin ekani haqidagi xabarga shunday munosabat bildirgan Axiosning so‘zlariga ko‘ra, Qo‘shma Shtatlar va Eron Yaqin Sharqdagi urushni tugatish va Eron yadro dasturi bo‘yicha keyingi muzokaralar uchun asos yaratadigan qisqacha anglashuv memorandumini tuzishga yaqin turibdi. Oq uy Erondan yaqin 48 soat ichida memorandumning asosiy qoidalariga javob berishini kutmoqda. Biroq hozircha yakuniy kelishuvlar mavjud emas Eslatib o‘tamiz, neft bozori AQShning Eron bilan urushi haqidagi xabarlarga mojaro boshlanganidan beri Ormuz bo‘g‘ozi amalda yopilganligi sababli faol munosabat bildirmoqda. Harbiy harakatlar boshlanishidan oldin dunyodagi neft ta'minotining beshdan bir qismi u orqali o'tgan. Urush paytida neft narxi bir barrel uchun 120 dollardan oshdi