Turkistonlik jurnalistlar Qoratovdagi buloqlarni ochdilar

Turkistonlik jurnalistlar Qoratov yon bag‘irlaridagi buloq va daryo o‘zanlarini maishiy chiqindilardan tozalashdi. Aksiya “Turkiston-Sho‘loqqo‘rg‘on” avtomobil yo‘li bo‘yidagi “Jastar bulag‘i” hududida aholi tez-tez dam oladigan va go‘zal tabiatga ega bo‘lgan hududda bo‘lib o‘tdi. Unda 30 ga yaqin jurnalistlar ishtirok etib, yuzga yaqin qop chiqindi yig‘ishdi. Chiqindilarni maxsus poligonga yetkazish ishlari Kentau shahar tozalash muassasasi zimmasiga olindi. Tadbir Qozog‘iston Jurnalistlar uyushmasi Turkiston viloyati bo‘limi tashabbusi bilan tashkil etildi. Filial raisi Malik Dauletovning ta’kidlashicha, bunday chora-tadbirlar jamiyatda ekologik madaniyatni shakllantirish, tabiatga hurmat tuyg‘usini yuksaltirishga xizmat qilmoqda Malik Dauletov, Qozog‘iston Jurnalistlar uyushmasi Turkiston viloyati bo‘limi raisi: Biz bu yerga nafaqat xabar tarqatish, yangilik qilish, balki shu tozalikka hissa qo‘shish, bir kunimizni atrof-muhit tozaligiga bag‘ishlash niyatida keldik. To‘g‘ri, daryo bo‘yi, buloq boshi axlatga to‘la. Yurtimizni musaffo saqlash, atrof-muhitni toza saqlash, ona yurtimizga hurmat bilan munosabatda bo‘lish asosiy maqsadimizdir