Tramp va Zelenskiy G7 sammiti doirasida uchrashishi mumkin

AQSh prezidenti Donald Tramp va Ukraina prezidenti Vladimir Zelenskiy Fransiyada bo‘lib o‘tadigan G7 sammitining ishchi sessiyasida ishtirok etadi va tadbir doirasida uchrashuv o‘tkazishi mumkin. Bu haqda Oq uy rasmiysi jurnalistlar bilan suhbat chog‘ida anonimlik sharti bilan gapirdi, deb yozadi Suspilne Donald Tramp 15-iyun, dushanba kuni Fransiyaga keladi va shu kuni kechqurun Fransiya prezidenti Emmanuel Makron bilan uchrashadi 16-iyun kuni Amerika yetakchisi G7 davlatlarining ishchi sessiyasida ishtirok etadi, unga Vladimir Zelenskiy ham qo‘shiladi Shu bilan birga, Vashington Tramp va Zelenskiyning alohida ikki tomonlama uchrashuvi hozircha rejalashtirilmaganini taʼkidlaydi, biroq ular tadbir davomida kesishishini istisno qilmaydi Oq uy matbuot kotibining ta'kidlashicha, prezident Donald Trampning ustuvor vazifasi urushni imkon qadar tezroq tugatish bo'lib qolmoqda Fransiya prezidenti Emmanuel Makron Yaqin Sharq yetakchilari va Ukraina prezidentini 15-17 iyun kunlari Evian shahrida bo‘lib o‘tadigan G7 sammitiga taklif qildi 11-iyun kuni Bloomberg manbalariga tayanib, kelasi hafta Fransiyada bo‘lib o‘tadigan G7 sammitida Yevropa yetakchilari AQSh prezidenti Donald Tramp bilan uchrashuvlardan foydalanib, uni Rossiya va Ukraina o‘rtasidagi tinchlik muzokaralarini qayta boshlash rejalariga jalb qilish niyatida ekanini xabar qildi Qayd etilishicha, Buyuk Britaniya, Fransiya va Germaniya urushdagi vaziyat Ukraina foydasiga o‘zgargan, bu esa AQSh va Rossiya prezidentlarining Alyaskadagi uchrashuvidan keyin yuzaga kelgan sharoitlardan tashqari yangi muzokaralar uchun imkoniyat yaratmoqda, deb hisoblaydi Tramp va Zelenskiyning so‘nggi uchrashuvi 2025-yil 28-dekabr kuni Floridadagi Mar-a-Lago qarorgohida ikki davlat delegatsiyalari ishtirokida bo‘lib o‘tgan Uchrashuvdan so‘ng Tramp va Zelenskiy uni ajoyib va samarali deb atadi, lekin eng muammoli masalalar, jumladan, Donbassning maqomi hamda Rossiya Federatsiyasi va Ukrainaning bosib olingan hududlarga nisbatan keskin farqli pozitsiyalari hamon hal etilmaganini ta’kidladi