Tramp Netanyaxuga o‘z so‘zini berdi

AQSh prezidenti Donald Tramp Isroil bosh vaziri Binyamin Netanyaxuni Vashington Eron bilan boyitilgan uran masalasida murosa qilmasligiga ishontirdi. Bu haqda Isroil televideniyesining 13-kanali xabar berdi Qayd etilishicha, Isroil Trampning Tehron bilan muzokaralar bo‘yicha kutilayotgan qarorini diqqat bilan kuzatib bormoqda 13-kanal xabariga ko‘ra, so‘nggi muhokamalar chog‘ida armiya va razvedka xodimlari Netanyaxuga Eronga nisbatan qattiqroq pozitsiyani taqdim etgan. ID Eron harbiy salohiyatining hozirgi holatini zarbalarni qayta boshlash va “missiyani yakunlash” uchun “operativ imkoniyat” deb hisoblaydi. Mossadning fikricha, yangi urush Eron rejimining qulashini tezlashtirishi mumkin. Shu bilan birga, telekanal manbasining qayd etishicha, Isroil rahbariyati vahima qo‘zg‘atmaslikka va Vashingtonga bosim o‘tkazayotgani, harbiy kuchlarni kuchaytirishga intilayotgani haqidagi taassurot qoldirmaslikka harakat qilmoqda Avvalroq Tramp Eron bilan muzokaralar “juda yaxshi” ketayotgani va urush “tezda tugashi” mumkinligini aytgandi. Markaziy savollardan biri yuqori darajada boyitilgan uran zahiralari taqdiri boʻlib qolmoqda: Tramp Qoʻshma Shtatlar Erondan “uran oladi” deb aytdi, Tehron esa uranni amerikaliklarga berishga tayyorligini rad etadi Kuni kecha AQSh Davlat kotibi Marko Rubio Qo‘shma Shtatlar Vashington taklifiga Eronning javobini kutayotganini va bu jiddiy muzokaralarga olib kelishiga umid qilayotganini aytdi. 9-may holatiga ko‘ra, Erondan hozircha hech qanday javob olinmagan