Tulki bolasi tufayli metroda harakat to‘xtatildi

Finlyandiya poytaxti Xelsinkida tulki bolasi harakatlanish chizig‘iga chiqib ketgani uchun metroda harakat bir muddat to‘xtatildi “525.az”ning xorijiy OAVlarga tayanib xabar berishicha, voqea kecha ertalab sodir bo‘lgan Kontula tumanidagi tunnelda tulki bolasi ko‘rindi. O‘sha yo‘nalishdagi poyezdlar harakati darhol to‘xtatildi. Hududga metropoliten ishchilari bilan birga 2 qutqaruv guruhi yuborildi. Barcha urinishlarga qaramay, hayvonni qo'lga olishning iloji bo'lmadi Aytish joizki, o‘tgan haftada ham shu hududda xuddi shunday holat yuz bergan. Shunda ham tulki bolasi qochib, yashirinishga muvaffaq bo‘lgan. Taxminlarga ko‘ra, ikkala hodisaga ham aynan bir tulki bolasi sabab bo‘lgan