TikTok Yevropada yana bir ma'lumot markazi qurishni rejalashtirmoqda

TikTok keyingi yil ichida Finlyandiyada ikkinchi maʼlumotlar markazini qurish uchun 1 milliard yevro sarmoya kiritmoqchi Bu haqda Reuters agentligiga kompaniya vakillari ma'lum qildi Yangi maʼlumotlar markazi mamlakat janubidagi Laxti shahrida joylashadi. Sarmoya 12 milliard yevrolik maʼlumotlar suvereniteti boʻyicha Yevropa tashabbusining bir qismi boʻlib, mintaqadagi 200 milliondan ortiq foydalanuvchi uchun yuqori maʼlumotlar himoyasini taʼminlaydi, dedi kompaniya TikTokning Yevropadagi foydalanuvchi maʼlumotlari hozirda Norvegiya, Irlandiya va Qoʻshma Shtatlardagi markazlarda kuchaytirilgan xavfsizlik choralari ostida saqlanadi. Kouvoladagi birinchi Finlyandiya ma'lumotlar markazini joriy yil oxirigacha, ikkinchisini esa Laxtida 2027 yilgacha ishga tushirish rejalashtirilgan Laxti meri kompaniya qarorini olqishladi va bu shahar uchun katta sarmoya ekanligini ta'kidlab, loyiha rejaga muvofiq davom etayotganini qo'shimcha qildi Fevral oyi boshida Germaniya madaniyat vaziri Volfram Veymer maʼlumotlar xavfsizligi va uning mintaqadan tashqariga uzatilishidan xavotir bildirgan holda TikTok’ni Yevropa kompaniyalariga oʻtkazishni taklif qilgan edi. Kompaniya, shuningdek, 13 yoshgacha bo'lgan bolalarni himoya qilish qoidalariga rioya qilish uchun Evropada foydalanuvchilarning yoshini aniqlash texnologiyasini joriy qilishni boshladi