“Ta’limda ijtimoiy ish” doirasida 460 nafar bolaning davomati tiklandi

Mehnat va aholini ijtimoiy muhofaza qilish vazirligi huzuridagi Ijtimoiy xizmatlar agentligining “Ta’limda ijtimoiy ish” xizmati doirasida o‘tgan davrda ijtimoiy soha xodimlari jami 1349 ta maktabda bo‘ldi Bu haqda O‘zbekiston ta’lim va madaniyat vazirligi ma’lum qildi Agentlik hamda Fan va ta’lim vazirligi huzuridagi Maktabgacha va umumiy ta’lim davlat agentligi hamkorligi doirasida 2023-yildan boshlab joriy etilayotgan mazkur xizmat doirasida og‘ir hayot sharoitiga tushib qolish xavfi ostida bo‘lgan bolalarni aniqlash va ular bilan ijtimoiy-psixologik ishlar olib borilmoqda "O‘tgan davrda maktabda 5399 nafar bolani dastlabki baholash ishlari olib borildi. Ahvoli ko‘proq xavfli deb topilgan 2036 nafar bolaning oilalariga borib, atroflicha baholandi. Natijada bolalarning oilalari bilan ijtimoiy ishlar olib borilib, xavf guruhiga kiruvchi 460 nafar bolaning davomati tiklandi Qarovsiz va yetim bolalar Agentlikning tegishli “Mehribonlik uyi” ijtimoiy xizmat ko‘rsatish muassasasiga joylashtirildi, ayrimlari esa yakka tartibda ta’lim olishga yo‘naltirildi. Shuningdek, nutq va muloqotda nuqsoni bo‘lgan 123 nafar bola logopediya xizmatiga jalb etildi. 124 oila vazirlik tasarrufidagi tegishli muassasalarga yuborilib, ularning ijtimoiy muammolarini hal etishda qo‘llab-quvvatlandi Shuningdek, turli mavzularda (bolalar huquqlari, oilaviy qadriyatlar, erta turmush qurish, oiladagi zo‘ravonlik, zararli odatlar, ruhiy salomatlikni muhofaza qilish va boshqalar) ma’rifiy uchrashuvlar tashkil etildi “Ta’limda ijtimoiy ish” xizmati doirasida amalga oshirilayotgan ishlar bolalarga e’tibor va g‘amxo‘rlikni kuchaytirish, ularga nisbatan qo‘pol muomala va zo‘ravonlikning oldini olish, bu boradagi tushuntirish-targ‘ibot ishlarini kuchaytirishdan iborat”, — deyiladi xabarda