O‘zbekiston Prezidenti polimer mahsulotlari ishlab chiqaruvchi korxona faoliyati bilan tanishdi

Rossiyaning “Polymers” kompaniyasi bilan hamkorlikda amalga oshirilayotgan loyiha maxsus va keng turdagi polietilen plyonkalar ishlab chiqarishga ixtisoslashgan Bunday mahsulotlar zamonaviy iqtisodiyotda kamroq ko'rinadigan, ammo juda muhim bo'g'inlar qatoriga kiradi. Bugungi kunda oziq-ovqat mahsulotlari, maishiy texnika, qurilish materiallari, farmatsevtika mahsulotlari, turli sanoat tovarlarini bozorga xavfsiz yetkazib berish, ularni tashqi ta’sirlardan himoya qilish ko‘p jihatdan qadoqlashning zamonaviy texnologiyalariga bog‘liq 6 ming 670 kvadrat metr maydonni egallagan korxonada zamonaviy italyan texnologiyasi asosida keng turdagi polimer va shrink plyonkalar ishlab chiqarilmoqda. Ishlab chiqarishning yo‘lga qo‘yilishi 9,5 million dollarlik import o‘rnini bosuvchi mahsulotlar ishlab chiqarish imkonini beradi Loyiha ikki bosqichli kengaytirish dasturi doirasida amalga oshirilmoqda. Umumiy investitsiya qiymati 15,2 million dollarni tashkil etadi. Birinchi bosqichda 7,4 million dollar sarmoya kiritildi Loyiha doirasida 50 ta yangi ish o‘rni yaratildi. Keyingi bosqichlarda ularning soni yanada oshishi kutilmoqda 2025-yilda bu yerda 115 milliard so‘mlik mahsulot ishlab chiqarildi. Shuningdek, Markaziy Osiyo davlatlariga 6 million dollarlik mahsulot eksport qilindi Korxonaning polimer mahsulotlari Coca-Cola, Pepsi, Flash, Chernogolovka, Ackerman, Asl Oyna, Biolife, Family Group kabi yirik brendlarning qadoqlash tizimlarida mahalliy xomashyo sifatida foydalanilmoqda Ta’kidlanganidek, qadoqlash sanoati zamonaviy sanoatning eng dinamik tarmoqlaridan biri hisoblanadi. Ishlab chiqarish hajmi oshgani sayin mahsulotlarni xavfsiz saqlash, tashish va bozorga chiqarish talablari ham ortib bormoqda Shu ma’noda, bunday korxonalar sonining ko‘payishi nafaqat yagona sanoat, balki oziq-ovqat sanoati, qurilish, farmatsevtika, qishloq xo‘jaligi va boshqa tarmoqlarning barqaror ishlashini ta’minlaydi