Tabrizlik xonanda Aynaz Rahimzoda Qozog‘istonda xalqaro mukofot bilan taqdirlandi

Yaqinda Qozog‘iston poytaxti Ostona shahrida afsonaviy xonanda Roza Baglanova nomidagi xalqaro tanlov bo‘lib o‘tdi. Musobaqa an’anaviy tarzda har yili o‘tkazib kelinmoqda. Ishtirok etishning asosiy sharti - Roza Baglanova repertuaridan bitta qo‘shiq ijrosi. Bu har bir ishtirokchiga buyuk qozoq xonandasi merosi bilan yaqindan tanishish, uning mahoratini xalqaro maydonda namoyon etish imkonini beradi Tanlov Qozog‘iston Respublikasi Madaniyat va axborot vazirligi ko‘magida iqtidorli yosh vokalchilarni aniqlash va qo‘llab-quvvatlash maqsadida o‘tkazilmoqda, deb xabar beradi “525.az” Bu yil tanlovda asli Tabrizlik xonanda Aynaz Rahimzoda ishtirok etdi va “Maxsus mukofot” bilan taqdirlandi. Ijrochi Roza Baglanova nomidagi xalqaro tanlovning final bosqichida ishtirok etish u uchun katta sharaf va unutilmas taassurot ekanini ta’kidladi: "20 nafar finalchi qatoridan joy olish, turli repertuarlar bilan chiqish va tanlov yakunida Roza Baglanova oilasidan "Maxsus mukofot"ni olish men uchun juda qimmatli bo‘ldi. Qozog‘istonda o‘tkazgan ushbu ajoyib kunlarda meni qo‘llab-quvvatlagan barcha tashkilotchilar, hakamlar hay'ati va barchaga minnatdorchilik bildiraman" Eslatib o‘tamiz, Aynaz Rahimzoda Tabrizda tug‘ilgan. Turkiyada musiqa tahsil oladi. Aynaz Rahimzoda Tabriz, Shaki va Lankaronlik yoshlardan iborat “Shusha” guruhi a’zosi. Guruh adabiy-madaniy tadbirlarda faol ishtirok etib, Ozarbayjon va turkiy davlatlar qo‘shiqlarini kuylaydi