Ekin maydonlarining 74 foizini, qishloq xoʻjaligi mahsulotlarining 11 foizini don va yem-xashak oʻsimliklari tashkil etadi

Ozarbayjonda ekiladigan yerlarning asosiy qismi gʻalla va yem-xashak ekinlariga ajratilgan boʻlsa-da, bu mahsulotlar qishloq xoʻjaligi ishlab chiqarishida nisbatan kichik ulushga ega. Qishloq xo‘jaligida hosildorlikni oshirish, yer resurslaridan unumli foydalanish asosiy maqsaddir Bu haqda Qishloq xo‘jaligi vaziri Majnun Mammadov Milliy Majlisning agrar siyosat qo‘mitasi tomonidan “Ozarbayjon Respublikasida qishloq, baliqchilik va suv xo‘jaligi mahsulotlari yetishtirish va qayta ishlashni rivojlantirish Davlat dasturi”dan kelib chiqadigan vazifalarga bag‘ishlangan jamoatchilik eshituvida ma’lum qildi, deb xabar beradi Modern.az Vazirning aytishicha, Ozarbayjonda ekin maydonlarining 74 foizi gʻalla va yem-xashak ekinlariga ajratilgan “Don va yem-xashak ekinlari qishloq xo‘jaligi mahsulotlarining atigi 11 foizini tashkil qiladi, aslida biz yer resurslarining katta qismini kam qiymat yaratadigan mahsulotlarga ajratganmiz”, — dedi u Majnun Mammadovga ko‘ra, Niderlandiya, Isroil kabi davlatlar yer resurslari cheklanganligi sababli yuqori qo‘shimcha qiymatga ega mahsulot ishlab chiqarishni afzal ko‘rmoqda, don va yem-xashak o‘simliklariga bo‘lgan talabning bir qismi import hisobiga qondirilmoqda Vazir Ozarbayjonda vaziyat boshqacha ekanligini va g‘alla yetishtirish strategik ahamiyatga ega ekanini ta’kidladi "G‘alla oziq-ovqat xavfsizligimizning asosiy elementlaridan biridir. Shu sababdan don yetishtirishdan bosh torta olmaymiz", - dedi u Majnun Mammadov kelgusi davrdagi asosiy maqsad ekin maydonlarini kengaytirish emas, hosildorlikni oshirish ekanini ta’kidladi “Barcha ekinlar, jumladan, g‘alla hosildorligini oshirish ishlab chiqarish o‘sishiga erishishning asosiy vositasidir”, — deya qo‘shimcha qildi vazir Uning aytishicha, hozirda agrar tarmoq to‘liq xususiy sektor faoliyatiga asoslangan bo‘lib, barcha ishlab chiqarish, qayta ishlash, savdo jarayonlari tadbirkorlar tomonidan amalga oshirilmoqda. Shu boisdan ham Davlat dasturida xususiy sektorni rag‘batlantirish asosiy yo‘nalishlardan biri sifatida belgilangan