Toshkentda O‘zbekiston – Gonkong biznes forumi bo‘lib o‘tdi

Tadbirda O‘zbekiston Savdo-sanoat palatasi raisi Davron Vahobov va Gonkong savdoni rivojlantirish kengashi raisi Frederik Ma ishtirok etdi. Ushbu muloqot O‘zbekiston tadbirkorlarining joriy yilning 4-7 may kunlari Gonkongga qilgan samarali tashrifining mantiqiy davomi ekanini alohida ta’kidladilar Forumda ikki davlatdan 100 dan ortiq yirik biznes vakillari va investorlar ishtirok etdi. Asosiy eʼtibor oʻzaro tovar ayirboshlash hajmini oshirishga qaratildi. Muzokaralar chogʻida Oʻzbekiston sanoat va qishloq xoʻjaligi mahsulotlarining Gonkong orqali Janubi-Sharqiy Osiyo bozorlariga chiqishi, shuningdek, Oʻzbekiston iqtisodiyotiga xorijiy sarmoyalarni jalb etish istiqbollari muhokama qilindi. Tomonlar moliya, logistika, yuqori texnologiyalar va raqamli xizmatlar sohasida hamkorlik qilish imkoniyatlarini ko‘rib chiqdilar. Gonkongning xalqaro moliya markazi maqomi va O‘zbekistonda amalga oshirilayotgan keng ko‘lamli iqtisodiy islohotlar hamkorlikni rivojlantirish uchun mustahkam zamin bo‘layotgani ta’kidlandi Ziyovuddin Nuriddinov, Oybek Davronov, O‘zA