Tolibon amaldorlar va harakat a'zolariga smartfonlardan foydalanishni taqiqlaydi

“Tolibon” radikal harakati yetakchisi Hibatulloh Oxundzoda Afg‘onistonda harakat a’zolari va hukumat vakillariga smartfonlardan foydalanishni taqiqlashni buyurdi. Bu haqda Afg‘oniston xalqaro va bir qator afg‘on OAVlari Tolibon harbiy sudlariga yuborilgan hujjatga tayanib xabar berishdi Hujjatga ko‘ra, taqiqning bajarilishini nazorat qilish mamlakatning turli hududlaridagi harbiy sudlarga yuklangan. Tartibni buzgan shaxslar jinoiy javobgarlikka tortiladi va harbiy sudlarga topshiriladi. Biroq e'lon qilingan materiallarda taqiqni buzganlik uchun qanday jazo nazarda tutilgani aniqlanmagan Afg‘oniston xalqaro agentligi xabariga ko‘ra, farmoyish ijrosini nazorat qilish uchun davlat organlarining mansabdor shaxslari va xodimlarining lavozimi, xizmat joyi, telefon raqamlari va aloqa operatorlari ko‘rsatilgan ro‘yxatlari tuzilgan KabulNow xabariga ko‘ra, bu haqda Oxundzoda harakatning harbiy sudlar, politsiya va razvedka tuzilmalari rahbarlari bilan uchrashuvi chog‘ida berilgan. Buyruq e’lon qilinganidan so‘ng ijtimoiy tarmoqlarda “Tolibon” harakatining ayrim a’zolari smartfonlarini yo‘q qilayotgani aks etgan videolar paydo bo‘ldi Taqiq zamonaviy aloqa vositalaridan foydalanishni cheklash siyosatidagi navbatdagi qadam bo‘ldi. Avvalroq Afg‘oniston hukumati universitetlar va diniy maktablarda smartfonlardan foydalanishni cheklagan edi. 2025-yil oktabr oyida Oliy taʼlim vazirligi talabalar, ayrim oʻqituvchilar va maʼmuriy xodimlarga maktab vaqtida smartfonlardan foydalanishni taqiqlagan edi So‘nggi yillarda “Tolibon” rahbariyati bir necha bor smartfon va internetdan foydalanishni kamaytirish tarafdori bo‘lgan. Ayrim viloyatlarda hujjatlar va rasmiy ma’lumotlar sizib chiqishining oldini olish bahonasida davlat idoralarida smartfonlardan foydalanishga cheklov joriy qilingan Azattyk Asia © 2026 RFE/RL, Inc. | Barcha huquqlar himoyalangan