“Tolibon” davlat xizmatchilariga smartfonlardan foydalanishni taqiqladi

Afg‘onistonni boshqarayotgan “Tolibon” harakati rahbari Haybatulloh Oxundzoda Tolibon va hukumat amaldorlariga smartfonlardan foydalanishni taqiqladi. Bu haqda Afg‘oniston xalqaro agentligi tegishli hujjatga tayanib xabar berdi. Biroq bu qanday hujjat ekanligi aytilmagan. Ommaviy axborot vositalarida bunday buyruq og‘zaki berilgani, tartibni buzganlarni harbiy sudlar javobgarlikka tortishi haqida xabar berilgan. Sudyalarga “buyruqning to‘liq bajarilishini ta’minlash” topshirildi Bundan tashqari, nazorat ostidagi shaxslarning ismi-sharifi, lavozimi, ish joyi, telefon raqami, uyali aloqa operatori ko‘rsatilgan ro‘yxat tuziladi Bir necha kun avval Tolibonning Ta’lim vazirligi o‘quvchilarga maktabga uyali telefon olib kirishni taqiqlagan edi. Bungacha Oliy taʼlim vaziri smartfonlarni “musulmonlarning uchta asosiy dushmanidan biri” deb atagan edi O‘tgan yilning oktyabr oyida oliy o‘quv yurtlari va ta’lim muassasalariga ish kunida va ta’lim muassasalari hududida mobil telefonlardan foydalanmaslik bo‘yicha ko‘rsatmalar bergan edi. Shu bilan birga, bunday cheklov rektor va o‘quv markazlari rahbarlariga taalluqli emasligi aytildi “Tolibon” ekstremal islomiy tashkiloti AQSh va Yevropa Ittifoqi tomonidan terrorchi tashkilot sifatida tan olingan. 2021-yil avgustida Afg‘onistonda hokimiyatni qaytarib olganidan beri u “odobsizlik”ning oldini olish chorasi sifatida internetni cheklab qo‘ydi Kuzatuvchilar butunjahon tarmog‘ini yopish va mobil telefonlarni taqiqlash guruhning fuqarolar erkinligi va huquqlarini kamsitish tendentsiyasiga mos kelishini ta’kidlamoqda Tolibon hukumati Rossiyadan tashqari boshqa davlatlar tomonidan rasman tan olinmagan