Subakojoeva Virtual aktivlar agentligi rahbari oʻrinbosari etib tayinlandi

Ayzada Subakojoyeva Prezident huzuridagi Virtual aktivlar va blokcheyn texnologiyalari milliy agentligi rahbari o‘rinbosari etib tayinlandi. Davlat rahbari Sadir Japarov tegishli farmonni imzoladi, deb xabar beradi “Intimak Ordo” Prezident 9 iyun kuni Farhat Iminovni agentlikka rahbar etib tayinlagan edi 47 yoshli Ayzada Subakojoyeva Prezident devonining tashqi siyosat bo‘limi mutaxassisi, shu bo‘limning tahliliy sektori mudiri, 2018-yilda esa Shanxay hamkorlik tashkiloti (SHHT) bosh kotibi o‘rinbosari lavozimlarida ishlagan May oyi oxirida Sadir Japarov Virtual aktivlar va blokcheyn texnologiyalarini rivojlantirish bo‘yicha milliy kengash negizida milliy agentlik tashkil etish to‘g‘risidagi farmonni imzoladi. Agentlik zimmasiga virtual aktivlar sohasini tartibga solish, ruxsatnomalar berish, davlat reestrini yuritish, shuningdek, kriptovalyutalarni ro‘yxatga olish, chiqarish va muomalada bo‘lishini nazorat qilish vazifasi yuklangan Davlat rahbari 2025-yil 3-mayda Virtual aktivlar va blokcheyn texnologiyalarini rivojlantirish bo‘yicha Milliy kengashni tuzdi. 4 may kuni Cho‘lpon-Ota shahrida kengashning birinchi yig‘ilishi bo‘lib o‘tdi va Prezident Sadir Japarov dunyodagi eng yirik kriptovalyuta birjasi – Binance asoschisi, xitoylik-kanadalik tadbirkor Changpeng Chjaoni ushbu sohadagi jamoat maslahatchisi etib tasdiqladi va unga maxsus sertifikat topshirdi. Chjao o'tgan yilning 24 oktyabrida bo'lib o'tgan Milliy kengashning ikkinchi yig'ilishida ham ishtirok etdi. (BTo)