O‘zbekistonda AI-92 benzini narxi rekord o‘rnatdi

Oʻzbekiston Respublika tovar-xomashyo birjasida AI-92 rusumli avtobenzin va dizel yoqilgʻisi narxi keskin oshdi, birja savdolari maʼlumotlariga koʻra 6 aprel kuni AI-92 benzinining narxi 3,4 foizga oshib, bir tonnasi uchun 13,46 million so‘mdan oshdi va bu yangi mutlaq rekord hisoblanadi. Shu bilan birga, sotilgan yoqilg'i hajmi biroz oshdi - 1146 tonnadan 1399 tonnagacha. Aprel oyi boshidan beri benzin narxi 5,7 foizdan ortiq yoki 727 ming so‘mga qimmatlashgan AI-92 benzini narxining oshishi Rossiya hukumati tomonidan benzin eksportiga qo‘yilgan taqiq fonida ro‘y berdi. Biroq avvalroq Energetika vazirligining Spot’ga bildirishicha, taqiq O‘zbekistonga hukumatlararo kelishuvlar doirasida amalga oshirilayotgan yetkazib berishga taalluqli emas Dizel yoqilg‘isi bo‘yicha esa tezroq o‘sish kuzatilmoqda: ikki savdo kunida dizel narxi 17,5 foizga oshgan – bir tonna uchun 13,78 million so‘mdan 16,17 million so‘mgacha Shu bilan birga, sotish hajmi keskin kamaydi: agar 2 aprelda 12,4 ming tonnadan ortiq sotilgan bo'lsa, 3 aprelda bu ko'rsatkich 3,8 ming tonnaga, 6 aprelda esa 2,7 ming tonnagacha kamaydi