Azov dengizida yaralangan ozarbayjonlarning ahvoli ma’lum bo‘ldi

Ozarbayjon Tashqi ishlar vazirligi Azov dengizida kemalarga qilingan hujumdan so‘ng yaralangan Ozarbayjon fuqarolarining ahvoli haqida ma’lumot berdi, deb yozadi Day.Az nashri “Avval xabar qilinganidek, 5-iyun kuni Azov dengizida yuk kemalariga uchuvchisiz samolyot hujumi natijasida Ozarbayjon fuqarolari halok bo‘lgani va jarohatlangani haqidagi ma’lumot kelib tushgach, Ozarbayjon Respublikasining Rossiya Federatsiyasidagi elchixonasi xodimlari zudlik bilan voqea sodir bo‘lgan hududga jo‘nab ketishgan Elchixonaning konsullik bo‘limi xodimlari ayni damda Yeysk shahrida bo‘lib, yaradorlar hamda qutqarilgan Ozarbayjon fuqarolariga tegishli konsullik yordamini ko‘rsatmoqda. Jabrlanganlarning ahvoli yaxshi deb baholanmoqda, ularning ayrimlarini yaqin kunlarda shifoxonadan chiqarish rejalashtirilgan”, — deyiladi xabarda Qayd etilishicha, Rossiya Federatsiyasining tegishli tuzilmalari tomonidan olib borilayotgan qidiruv-qutqaruv tadbirlari doirasida qurbonlarni aniqlash va boshqa zarur tartib-qoidalarni amalga oshirish ishlari davom ettirilmoqda “Shu bilan birga, qutqarilgan Ozarbayjon fuqarolariga hujjatlarni tayyorlash, qaytish guvohnomalari bilan ta’minlash va mamlakatga qaytishini tashkil etish bo‘yicha zarur choralar ko‘rilmoqda Tashqi ishlar vazirligi bu masalani alohida nazoratda ushlab, tegishli tuzilmalar bilan yaqindan hamkorlik qiladi Halok bo‘lganlarning shaxsi va ularning jasadlari mamlakatimizga yetkazilishi haqida qo‘shimcha ma’lumotlar keyinroq jamoatchilikka taqdim etiladi”, — deya qo‘shimcha qildi boshqarma Azov dengizida ozarbayjonlik dengizchilar bo‘lgan ikkita kema uchuvchisiz uchoqlar tomonidan hujumga uchragani haqida avval xabar bergan edik Matnda xatolikni sezdingizmi? Matnni tanlang va klaviaturangizda Ctrl + Enter tugmalarini bosib, bizga xabar bering