Ural yaqinida tashlangan tibbiy chiqindilar kimga tegishli ekanligi ma'lum bo'ldi

Bu haqda G‘arbiy Qozog‘iston viloyati sanitariya-epidemiologiya nazorati boshqarmasi boshlig‘i Dinara Janabergenova ma’lum qildi Avvalroq ijtimoiy tarmoqlarda ochiq joyga tashlangan tibbiy chiqindilar va qon idishlari aks etgan video tarqalgan edi Hodisadan so‘ng sanitariya-epidemiologiya xizmati mutaxassislari, ichki ishlar organlari xodimlari va atrof-muhitni muhofaza qilish organlari vakillari birgalikda tekshiruv o‘tkazdi va chiqindilarning kelib chiqishi, shuningdek, uning atrof-muhitga ta’sirini o‘rganishga kirishdi Boshqarma boshlig‘i Dinara Janabergenovaning aytishicha, voqea joyida jami 144 dona tibbiy chiqindilar topilgan — Huquq-tartibot idoralari xodimlari, Ekologiya boshqarmasi mutaxassislari va xodimlarimiz hamkorlikda voqea joyida ko‘zdan kechirish ishlarini olib bordi. 144 ta tibbiy chiqindilar aniqlandi. Politsiya xodimlari bilan birgalikda barcha topilgan materiallar musodara qilindi. Bundan tashqari, ushbu hududdan tuproq namunalari olinib, mikrobiologik tadqiqotga yuborildi. Dastlabki tahlillar natijalariga ko‘ra, ijobiy ko‘rsatkichlar (ya’ni, xavfli infeksiya belgilari) aniqlanmadi, ammo tadqiqot ishlari hali ham davom etmoqda, dedi u “Jibek Joli” telekanalining “Bugin LIVE” dasturida Mutaxassisning so‘zlariga ko‘ra, tibbiy chiqindilar atrof-muhitga xavf tug‘dirishi mumkinligi sababli, ular topilgan joyda zudlik bilan zararsizlantirish choralari ko‘rilgan — Ushbu biologik materiallar atrof-muhitga zarar etkazishi mumkin. Shu bois tibbiy chiqindilar aniqlangan hududda to‘liq dezinfeksiya ishlari olib borildi. Hozirda yuzaga kelishi mumkin boʻlgan xavfning oldini olish boʻyicha barcha zarur chora-tadbirlar yakunlandi, ifloslanish manbasi toʻliq qayta ishlandi”, — dedi Dinara Janabergenova Tekshiruv davomida aniqlangan chiqindilar Uralsk shahridagi 1-, 2- va 4-sonli poliklinikalarga tegishli ekanligi aniqlandi. Biroq, hozirgi bosqichda mazkur tibbiyot muassasalari tomonidan qonun buzilishi holatlari aniqlanmagan — Klinikalar tibbiy chiqindilarni tuzilgan shartnomalar asosida ularni utilizatsiya qilish bilan shug‘ullanuvchi ixtisoslashtirilgan korxonalarga topshiradi. Hozirda tergov doirasida hodisaning barcha holatlari aniqlanmoqda. Tibbiy chiqindilarni yo‘q qilish bilan shug‘ullanuvchi tashkilotlar faoliyati qat’iy nazoratga olinib, qonunda belgilangan tartibda zarur choralar ko‘riladi, – deydi sanitariya-epidemiologiya xizmati vakili Dinara Janabergenova Avvalroq Sog‘liqni saqlash vazirligi G‘arbiy Qozog‘iston viloyatida aniqlangan tibbiy chiqindilarni noqonuniy tashlab yuborish holatlari bo‘yicha tekshiruv alohida nazoratga olingani haqida xabar bergan edi