AQSh Erondagi radar stansiyalariga hujum uyushtirdi

AQSh harbiylari Eronning Goruk va Keshm orolidagi qirg‘oq radiolokatsion stansiyalariga hujum qildi. Bu haqda AQSh Markaziy qo‘mondonligi (CENTCOM) xabar berdi Qo‘mondonlik ma’lumotlariga ko‘ra, zarbalar Eron dronlari Hormuz bo‘g‘ozi tomon uchirilganidan keyin berilgan “AQSh kuchlari keyingi hujumlarning oldini olish uchun G‘oruk va Keshm orollaridagi Eron qirg‘oqbo‘yi kuzatuvi radar stansiyalarini nishonga oldi”, — deyiladi CENTCOM bayonotida Qo‘mondonlik, shuningdek, AQSh kuchlari Hormuz bo‘g‘ozi tomon o‘q uzilgan to‘rtta Eron dronini urib tushirganini aytdi. CENTCOMning ta'kidlashicha, dron hujumi mintaqaviy dengiz transportiga bevosita tahdid solgan Avvalroq CNN telekanali rasmiyga tayanib, Eron Hormuz bo‘g‘ozi tomon bir nechta uchuvchisiz uchoqlarni uchirgani, ulardan kamida uchtasi amerikalik harbiylar tomonidan urib tushirilgani haqida xabar bergan edi. CBS to'rtta dron haqida xabar berdi Bundan tashqari, CENTCOM maʼlum qilishicha, 5-iyun kuni AQSh harbiylari Hormuz boʻgʻozi va qoʻshni Fors koʻrfazi davlatlari tomon otilgan Eronning bir necha ballistik raketalari va uchuvchisiz uchoqlarini tutib olgan Qo‘mondonlik ma’lumotlariga ko‘ra, Eron Quvayt va Bahrayn tomon yettita ballistik raketa uchirdi. Ulardan oltitasi qo'lga olindi, yana biri nishonga etib bormadi Bunga javoban Islom inqilobi qo‘riqchilari korpusi Amerikaning Yaqin Sharqdagi harbiy bazalariga hujumlar uyushtirilishini e’lon qildi. Shuningdek, IQXH Eron harbiylari ruxsatsiz Hormuz bo‘g‘ozi orqali o‘tmoqchi bo‘lgan to‘rtta tankerga qarata o‘t ochganini da‘vo qilmoqda, deb xabar bermoqda Reuters Bu oxirgi haftada AQSh va Eron o'rtasidagi birinchi zarba emas. Avvalroq Tehron AQShning Ummon ko‘rfazidagi kemalarga qarshi harakatlariga javoban Amerika esminetsiga hujum qilganini e’lon qilgan edi. Vashington, oʻz navbatida, Eronning uchuvchisiz uchoqlari va raketalari yoʻq qilingani, shuningdek, Keshm orolidagi obʼyektlarga hujumlar uyushtirilgani haqida xabar berdi