AQSh va Eron 19 iyun kuni Shveytsariyada tinchlik memorandumini imzolaydi

19-iyun, juma kuni Shveytsariyada Amerika Qo‘shma Shtatlari va Eron tinchlik shartnomasini imzolaydi. Bu haqda muzokaralarda vositachi sifatida ishtirok etayotgan Pokiston bosh vaziri Shahboz Sharif ma’lum qildi, deb yozadi Deutsche Welle. Kelishuvni AQSh prezidenti Donald Tramp ham tasdiqladi Nashrning Pokiston bosh vaziriga tayanib yozishicha, tomonlar barcha jabhalarda, jumladan, Livanda ham jangovar harakatlar zudlik bilan va yakuniy to‘xtatilishini e’lon qilgan. Kelishuvni Livan hududigacha uzaytirish Hizbulloh ittifoqchilari Isroilga qarshi kurashayotgan Eron uchun asosiy nuqta edi Kelishuvlarga erishish fonida Tramp allaqachon AQSh harbiy-dengiz kuchlarining Hormuz boʻgʻozidan blokadasini olib tashlash va uni kemalarning erkin oʻtishi uchun ochish haqida buyruq bergan edi. Shu bilan birga, u Isroil Bosh vaziri Binyamin Netanyaxuni 14 iyun kuni Bayrutga uyushtirilgan havo hujumlari uchun tanqid qilib, bunday muhim kunda ularni nomaqbul deb atadi Tehronning o'zida kelishuvga vazminlik bilan qaralmoqda. Eron tashqi ishlar vaziri oʻrinbosari Kazem Gʻaribobodiyning aniqlik kiritishicha, 19-iyun kuni faqat “anglashuv memorandumi” imzolanadi